Гороскуоп: тохсунньу 26 – олунньу 2 күннэрэ

Хой

Кыһыҥҥы тымныылар санааҕын баттыыллар. Сылайаҕын, нуктаан, сытан ылыаххын саныыгын. Ол эрээри элбэҕи ситиһиэх, оҥоруох, айыах-ту­­туох баҕа баһаама хамсатар күүс буола сылдьар эбит. Ылыммыт санааҕыттан туора турбакка, биир күдьүс баран ис.

Оҕус

Дьиэ-уот кыһалҕата кыһарыйар, хас да сиринэн табыллан харчылаһар кыах үөскүөн сөп. Дьон киллэрэр интэриэһинэй этиилэрин сыта-тура толкуйдаан тугу эбит тобулуоххун сөп. Доруобуйа этэҥҥэ.

Игирэлэр

Саҥа идиэйэлэр киирэллэр. Ол эрээри, тугу эрэ саҥаны саҕалыаххын саарбахтыыр эбиккин. Аҕам саастаах дьахтар сүбэтин ылынар туһалаах буо­луоҕа. Кини эйиэхэ куруук үчүгэйи эрэ баҕарар.

Араак

Бу нэдиэлэ устата харыстана, бүөм соҕус сырыт. Дьон тылыгар аһары киирбэт гына тылга-өскө киирсимэ. Кэллиэгэлэргин, доҕотторгун кытта саҥа былааннаргын үллэстимэ. Санааҥ ситтэҕинэ, табыллыа дии санаатаххына, биирдэ кэпсиириҥ ордук.

Хахай

Соҕотох хахайдарга табыллар кэм. Бу кэмҥэ билсиспит киһиҥ олоҕуҥ да аргыһа буолуон сөп. Оттон кэргэннээх хахайдар чугас киһигитин хомоппот гына сылдьыаххытын наада. Дьиэ-уот  кыһалҕатынан муҥурданар туһалаах буолуоҕа.

Кыыс

Нэдиэлэ устата харчыгын харыс­таан тутун. Толкуйа суох маҕаһыыны кэрийэри тохтот. Саҥа үлэ булуоххун сөп. Ол эрээри дьону кытта сыһыаннаһыыга куруук бэйэҥ эрэ эппиккин өрө тутума. Атын дьон олоххо көрүүтүн эмиэ ылынар, ырыҥалыыр наада.

Ыйааһын

Оҕолор, дьиэ кэргэн ситиһиитэ санаа­ҕын кынаттыыр. Бу күннэргэ кимтэн даҕаны улахан сууманы иэс ылыма. Ол кэриэтин харчыгын харыстаан тутуннаххына, кэлэр ыйга барыһырыаххын сөп. Нэдиэлэ устата үчүгэй сонуну истиэҥ.

Скорпион

Айар талааныҥ арыллыыһык. Кыбыстыбакка барытыгар иннигинэн буолан кимэн ис. Эйигин дьон ылынар, ытыктыыр. Бу кэмҥэ саҥа билсиһии уһун сыллар усталарыгар доҕордоһууга кубулуйуон сөп.

Охчут

Түүннэри утуйбакка үлэнэн үлүһү­йүүттэн сылтаан доруобуйаҕар оҕус­тарыаххын сөп. Эрдэтинэ бырааска сылдьан бэрэбиэркэлэтэр ордук. Кэлиҥҥи кэмҥэ кыраттан да киҥнэниэх курдуккун. Ити уугун хаммакка, сатаан күҥҥүн былааннаабаккыттан тахсар.

Чубуку

Саҥа массыына, саҥа дьиэ туһунан элбэхтик санаталыыр эбиккин. Дохуоту хайдах элбэтэр туһунан толкуйдаан үгүстүк санааҕа ыллараҕын. Үлэҕэр табыллар кэм үүммүт. Түгэни мүччү туппакка хамсанан ис.

Күрүлгэн

Оҕолоргор, чугас аймахтаргар болҕомто уурууһуккун. Бэйэҥ эрэ тус дьыалаҕынан үлүһүйүү чугас дьоҥҥун хомотор. Доруобуйаҥ этэҥҥэ. Харчыны кытта сыһыаннаах дьыалаҕа болҕомтолоох буол.

Балыктар

Чугас дьүөгэлэри, доҕоттору кытта көрсүһүү үөрүүнү эрэ түстүөҕэ. Тус олоххор улахан быһаарыныы ылыныаххын сөп. Эбии дохуот булунар кыахтаныаҥ. Этии киирдэҕинэ, уталыппакка сөбүлэһэриҥ ордук.