Горнайга биир дойдулаахтара 600 тыһ.солк. тахса харчыны уорбут

ИДьМ сулууспатын Горнай оройуонун дьуһуурунай чааһыгар хас да олохтоох дьонтон сайабылыанньа киирбит. Эмсэҕэлээбит дьон быһаарыыларынан, эмтээниигэ анаан ыытыллыбыт харчы уоруллубутун быһаардылар.

Суһал-көрдүүр дьаһалларынан холуобунай ирдэбил үлэһиттэрэ уорбаланааччы личинэһин быһаардылар. Уорбаланааччы 37 саастаах олохтоох киһи буолара билиннэ.

Хара саналаах эр киһи социальнай ситимнэринэн оройуоннааҕы бөлөхтөрүнэн мэйиитигэр тахсыбыт искэни ылыыга эпэрээссийэҕэ үп-харчы хомуйарын туһунан иһитиннэрии тарҕаппыт. Биллэриигэ үтүө санаалаах биир дойдулаахтара түмсэн улахан суума харчы ыыппыттар. Тыа сирин олохтоохторун үтүө санааларын туһанан, эр киһи аҕыс олохтооҕу албыннаабыт. Хоромньу суумата 600 тыһыынча солкуобайы куоһарбыт. Уорбаланааччы быһаарыытынан, үп- харчы тиийбэтиттэн материальнай балаһыанньатын көннөрөргө быһаарыммыт. «Түөкүннээһин» ыст. холуобунай дьыала тэрилиннэ.