https://t.me/mvd_sakha
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ.
«Бүлүү» федеральнай суолга түүн икки чаас саҕана Госавтоиниспиэксийэ Горнайдааҕы суолу патруллуур сулууспатын үлэһиттэрэ нэһиилэ айаннаан иһэр Toyota Hilux массыынаны бэлиэтии көрбүттэр.
ДПС иниспиэктэрэ, полиция старшай лейтенана Конон Оленов уонна стажёр Георгий Стручков массыынаны тохтотон, чопчулаһан билбиттэрэ, үс пассажирдаах суоппар Мииринэйтэн Дьокуускайга айаннаан иһэн, халлаан тымныйан массыыната моһуогурбут эбит. Ол түүн салгын температурата -47 кыраадыска диэри тымныйбыт.
Онон, Госавтоиниспиэксийэ үлэһиттэрэ массыынаны чугастааҕы нэһилиэккэ диэри арыаллаан барарга быһаарыммыттар. Ол гынан баран, массыына айаннаан иһэн олох даҕаны алдьанан, умуллан хаалбыт. Ону аара айаннаан иһэр массыына тохтоон, «Тойотаны» саппыраапкалыыр станцияҕа диэри состорон илдьибит. Дизельнэй уматык кутан баран, салгыы ИДьМ Горнайдааҕы салаатын гарааһыгар илдьибиттэр. Полицейскайдар массыына өрөмүөнүгэр көмөлөһөннөр, айанньыттар этэҥҥэ Дьокуускайга тиийбиттэр.
Хас да күн буолан баран, суоппар госавтоиниспиэктэрдэргэ социальнай ситиминэн уонна олохтоох араадьыйа нөҥүө көмөлөрүн, үтүө сыһыаннарын иһин махталын тириэрдибит.
Олунньу 7-8 күннэригэр Хаҥалас улууһун 2-с Малдьаҕар нэһилиэгэр Улахан Ааҥҥа "Бөртө Оһуохайа" ыытыллан, улахан сэҥээриини…
Байыаннай дьайыы кыттыылаахтарын уонна кинилэр дьиэ кэргэттэрин чилиэттэрин суукканы эргиччи медико-психологическай көмөнөн өйүүр федеральнай чат…
Олунньу 10-13 күннэригэр “Саха киинэтин күннэрэ” Владимирскай уобаласка ыытыллыахтара. Уобалас Култуураҕа министиэристибэтин өйөбүлүнэн "Киинэ киинэ"…
Биһиги куораппытыгар сокуоннайа суох атыылааһын кыһалҕата өрүү сытыытык турар. Арыгынан барыстанааччылар, хааччахтааһыны уонна ыстараабы аахсыбакка,…
Арассыыйаҕа массыына ыытар быраабы ылар эксээмэни, мэдиссиинэ ыспыраапкатын көрдөрбөккө эрэ туттарары көҥүллүөхтэрин сөп. Ити туһунан…
Саха сиригэр устудьуоннарга – байыаннай дьайыы кыттыылаахтарыгар уонна кинилэр дьиэ кэргэттэригэр 1248 анал истипиэндьийэ бэриллэр…