Госдуума: Арҕаа дойдулар Арассыыйа быыбарыгар орооһорго саҥа стратегияны оҥороллор

Арҕаа дойдулар 2026 сылга буолуохтаах Госдуума быыбарыгар дьайар сыаллаах саҥа стратегияны оҥоро сылдьаллар диэн Госдуума Арассыыйа ис дьыалаларыгар тас дойдулар орооһууларын чинчийэр хамыыһыйатын бэрэссэдээтэлэ Василий Пискарев иһитиннэрдэ. Дьокутаат тыллара хамыыһыйа ТГ-ханаалыгар таҕыста.

Дьокутаата этэринэн, «„Биир ньыгыл Арассыыйа“ быыбардыыр испииһэктэрин хараардар үгэс буолбут дьайыыларыгар, соторутааҕыта саҥа көҕүлээһин эбилиннэ: байыаннай дьайыы кыттыылаахтарыттан хандьыдааттары утары киэҥ хабааннаах хампаанньа былааннанар». Кини этэринэн, «бу стратегияны олоххо киллэрии сүрүннээн иноагеннарга сүктэриллэр».

Урут Куттал суох буолуутун сэбиэтин сэкирэтээрэ Сергей Шойгу арҕаа дойдулар Арассыыйаны араарарга уоннa суверенитетын былдьыырга дьулуһаллар диэн эппитэ. Бу туһунан «Аргументы и факты» хаһыат суруйбута. Шойгу бэлиэтээбитинэн, Арассыыйаны утары норуот сомоҕолоһуутун мөлтөтөр уонна дойду омуктарын бэйэ-бэйэлэриттэн тэйитэр сыаллаах агрессивнай пропаганда хампаанньата ыытыллар.