Госдуума дойду саҥа гражданнарыгар сулууспа болдьоҕун уһатары былаанныыр

Госдуума Арассыыйа саҥа гражданнарыгар сулууспа болдьоҕун икки сылга диэри уһатарга уонна саастарын үрдэтэргэ федеральнай сокуоҥҥа саҥа киирэр көннөрүүлэри көрүөн сөп.

Бу туһунан Госдуума пресс-сулууспата иһитиннэрдэ. Пресс-сулууспаҕа парламент бу көҕүлээһини дойду саҥа гражданнара байыаннай эбээһинэстэрин толороллорун күүһүрдэргэ ананарын чуолкайдаатылар.

«Саҥа гражданнары аармыйаҕа ыҥырыыга саастарын үрдэтии уонна икки сылга болдьоҕун уһатыы туһунан быһаарыы, бастатан туран, РФ гражданинын пааспарын ылыан баҕалаахтар инникитин дойду бары үтүөтүнэн туһаналларыгар, ону кытта ийэ дойдуларыгар ытык иэстэрин чиэстээхтик төлүүллэригэр көмөлүөҕэ», — диэн РФ Бочуоттаах адвоката, «Күүстээх Арассыыйа» Бүтүн Арассыыйатааҕы хамсааһын Үрдүкү Сэбиэтин чилиэнэ Дмитрий Краснов быһаарда.