СӨ Уопсастыбаннай палаататын пресс-сулууспата ыыппыт
Өрөспүүбүлүкэ Уопсастыбаннай палаататын былаһааккатыгар РФ Судаарыстыбаннай Дууматын бүддьүөккэ уонна нолуокка кэмитиэтин чилиэнэ, РФ Бырабыыталыстыбатын бүддьүөккэ сыһыаннаһыыга үс өрүттээх хамыыһыйатын чилиэнэ Галина Данчикова гражданнартан киирбит ыйытыыларынан уопсастыбанньыктары кытта сытыы боппуруостары дьүүллэстэ.
СӨ Уопсастыбаннай палаататын бэрэссэдээтэлэ Станислав Иванов этэринэн, Палаата чилиэннэрэ араас таһымҥа нэһилиэнньэ туруорсар боппуруоһун тула кэпсэттилэр. Олор ортолоругар – оҕолор сайыҥҥы сынньалаҥнарын туһунан рамочнай сокуону бэлэмнээһин, дьоҕус уонна орто урбааны чэпчэтиилээх нолуоктааһын, федеральнай массыына суолларын туруктара, көс аҕа ууһун дьиэ кэргэттэрин өйөөһүн уо.д.а.
Дьокутаат бэлиэтээбитинэн, бу Уопсастыбаннай палаата саҥа бэһис састаабын кытта билсиһии диэххэ сөп.
“Урукку састааптары кытта сөптөөхтүк үлэлээн, туруоруллубут боппуруостары быһаарбыппыт, сокуоҥҥа көҕүлээһиннэри бэлэмнээбиппит. Бүгүн үгүс ыйытыы киирдэ. Уопсастыба сытыы боппуруостарын Уопсастыбаннай палаата былаһааккатыгар дьүүллэһиэхпит, Ил Түмэн, министиэристибэлэр уонна биэдэмистибэлэр бэрэстэбиитэллэрин ыҥырыахпыт, бары түмсэн, боппуруоһу федеральнай таһымҥа таһаарар курдук”, — диэтэ Галина Данчикова.
Бу саҥа састаап үлэтин быйыл ыам ыйыттан саҕалаабыта. Кинилэр уопсастыбаннас судаарыстыбаннай былаас уорганнарын кытта бииргэ үлэлэрин хааччыйарга көмөлөһөр. Бу састаапка 66 киһи баар, кинилэр ортолоругар култуура, наука, биисинэс, экология уо.д.а.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: СӨ Уопсастыбаннай палаататын пресс-сулууспата ыыппыт
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…