Хаартыска: Мария Васильева, СИА.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна.
Көмөнү үс уонна онтон элбэх оҕолоох ыаллар ылыахтара, ол иһигэр 23 сааһыгар диэри күнүскү үөрэххэ үөрэнэр оҕолоохтор эмиэ туһаныахтара.
Юридическай көмө арааһа элбэх: олорор дьиэҕэр быраапкын көмүскээһин, ыксаллаах быһыы-майгы түгэнигэр баайга-малга быраабы саҥаттан оҥорторуу, сири бас билии быраабын оннунан хаалларыы, сокуону кэһэн үлэттэн уһуллууга көмүскэтии, о.д.а. Босхо юридическай көмө испииһэгэр өссө ийэ уонна аҕа буолуу мөккүөрүн, бигэргэтиини киллэрэри эттилэр. “Байыаннай сулууспалаах өлөр түгэнигэр, киниттэн хат хаалбыт кэргэнигэр бу өҥө эмиэ туһалыан сөп”, — диэтэ ыччат бэлиитикэтигэр Госудуума кэмитиэтин бэрэссэдээтэлэ Артем Метелев.
КПРФ дьокутаата Анатолий Бифов “Российскай газетаҕа” санаатын этэригэр, юридическай көмө наһаа ыараханыттан дьон үгүстүк бэйэлэрин бырааптарын туруорсубаттар. “Билигин кинилэр көмөнү судаарыстыбаннай юридическай бюроларга ылар буолуохтара. Үбү-харчыны онно ыыппакка бэйэлэрин бырааптарын көмүскэнэр кыахтаныахтара”, — диэтэ.
Дьон үксүгэр остеохондроһу сүрэх ыарыытыттан кыайан араарбат. Бу икки ыарыы сибикилэрин араара үөрэнии уонна иккиэн…
Арассыыйа Үөрэҕин министиэристибэтэ оскуолаҕа дьиэтээҕи үлэни толорорго биир кэлим бириэмэ нуорматын олохтоото. Бу туһунан "РИА-Новости"…
Төрдүскэ үөрэнэр кэммэр этэ. Саас муус устар ортотун саҕана арай уруһуй учуутала Силипиэн Ньукулаайабыс Намыйаанап…
Талааннаах суруйааччы Данил Макеев «Оҕом аҕалаах буоллаҕына…» диэн саҥа кинигэтигэр киирбит икки сэһэнэ («Оҕом аҕалаах…
Киин куорат күнүн көрсө, Дьокуускай устуоруйатын түмэлэ интэриэһинэй чахчылары таһаарар. 200 сыллааҕыта Дьокуускай куоракка 2458…
Бу күннэргэ көҕөччөр өҥнөөх акка олорон, бэрт холкутук уулусса устун сиэллэрэн иһэр кыракый кыысчааны видеоҕа…