Салгыы
Госдуума үлэлиир төрөппүттэргэ төлөбүрдэри киллэрии туһунан сокуон барылын иккис ааҕыыга ылынна

Госдуума үлэлиир төрөппүттэргэ төлөбүрдэри киллэрии туһунан сокуон барылын иккис ааҕыыга ылынна

10.07.2024, 13:00
Хаартыска: СИА
Бөлөххө киир:

Госдуума икки уонна онтон элбэх оҕолоох дьиэ кэргэн ыйдааҕы дохуота 1,5 %-тан намыһах буоллаҕына, үлэлиир төрөппүттэргэ сыл ахсын төлөбүрү оҥорор туһунан сокуон барылын иккис ааҕыыга ылынна. Үһүс ааҕыы от ыйын 10 күнүгэр былааннанар.

Бу докумуон төрөппүттэргэ (иитэ ылааччыларга, эппэкииннэргэ, попечителлэргэ) сыллата төлөнөр төлөбүрү аныырга төрүөтү быһаарар. Төлөбүр Арассыыйа сиригэр-уотугар мэлдьи олорор, дойду хааһынатыгар нолуогу төлөөччү гражданнарга оҥоһуллар уонна кинилэр дохуоттарыттан төлөбүр ананыан иннинээҕи сыл НДФЛ төлөбүр оҥоһуллубут буолуохтаах. Онуоха дьиэ кэргэн ыйдааҕы дохуота эрэгийиэҥҥэ олохтоммут тиийинэн олоруу алын кээмэйиттэн 1,5 %-тан кырата суох буолуохтаах.

Гражданин РФ Соцпуонда территориятааҕы уорганыгар бэс ыйын 1 күнүттэн алтынньы 1 күнүгэр диэри НДФЛ ааҕыллыбыт кэмиттэн кэлэр сылга төлөбүрдэри аныыр туһунан сайабылыанньаны биэрэр бырааптаах.

Төлөбүр хас биирдии 18-гар диэри саастаах оҕолоох уонна 23-гэр диэри саастаах устудьуон оҕолоох төрөппүккэ (оҕону иитэ ылааччыга, эппиэкэҕэ попечителлэргэ), алимени төлүүргэ иэһэ суох буоллахтарына, оҥоһуллар.

Төлөбүр Арассыыйа бааныгар аһыллыбыт счеттаах сайабылыанньа биэрээччигэ оҥоһуллар. Онуоха бу төлөбүрдэри кытары сыһыаннаах баан эпэрээссийэтигэр баан өҥөтүн иһин төлөбүрү ылыа суохтаах.

Сокуон ылылыннаҕына 2026 с. тохсунньу 1 күнүттэн күүһүгэр киириэхтээх диэн сабаҕалыыллар.

+1
4
+1
0
+1
0
+1
0
+1
0
+1
1
+1
0
Бары сонуннар
Салгыы
15 июля
  • 22°C
  • Ощущается: 22°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: