Хаартыска: Госдуума сайтыттан
Госдуумаҕа Саҥа дьыл иннинээҕи бүтэһик субуотаны — ахсынньы 28 күнүн өрөбүл оҥорорго этии киллэрдилэр. Дьокутааттар РФ бырабыыталыстыбатын бэрэссэдээтэлин солбуйааччы Дмитрий Григоренкоҕа Саҥа дьыл иннинээҕи 6 күннээх үлэ нэдиэлэтин кылгатар туһунан этиилээх киирдилэр.
Дьокутаат Станислав Наумов этэринэн, бүтэһик субуотаны өрөбүл күн оҥорору олохтоох эрэгийиэннээҕи былаас уорганнара бэйэлэрэ быһаарыахтаахтар. Эбии өрөбүл күн дойдуга дьиэ кэргэн туризма сайдарыгар төһүү буолуо этэ диэн кини этэр. Холобур, Саҥа дьыл иннинэ дьиэ кэргэнинэн массыынанан баран, чугастааҕы куораттарга, эбэтэр, сынньалаҥ дьиэлэригэр барыахтарын, күүлэйдиэхтэрин, сынньаныахтарын сөп. Ол эрээри, сорох салаалаларга алта күннээх үлэ нэдиэлэтэ булгуччулаах, холобур, аһы-үөлү оҥорон таһаарар салааҕа.
Бу иннинэ Үлэ, социальнай сайдыы министиэристибэтэ биллэрбитинэн, ахсынньы 23-29 күннэригэр алта күннээх үлэ нэдиэлэтэ буолар, тоҕо диэтэххэ, субуота күн өрөбүлүн бэнидиэнньиккэ, ахсынньы 28 күнүгэр көһөрбүттэрэ. Онон дьон быйыл ахсынньы 29 күнүттэн тохсунньу 8 күнүгэр диэри, барыта 11 күн устата сынньаныахтаах.
Оттон 2025 сылга Маай бырааһынньыктарыгар ыам ыйын 1-4 уонна 8-11 күннэригэр сынньанабыт. Оттон Арассыыйа күнүгэр бэс ыйын 12-15 күннэригэр, Сомоҕолоһуу күнүгэр сэтинньи 2-4 күннэригэр өрөбүл күннэр биллэриллэллэр.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…