Хаартыска: «Российская газета»
Госдуумаҕа үһүс уонна онтон элбэх оҕо төрөөтөҕүнэ аҕалары байыаннай сулууспаттан босхолуур туһунан сокуон барылын киллэрдилэр диэн «Российская газета» суруйар. Маннык этиини Госдуума дьокутаата Нина Останина уонна сенатор Айрат Гибатдинов киллэрдилэр.
Ааптардар элбэх оҕолоох төрөппүттэри көмүскүүр быраап миэрэтэ федеральнай сокуонунан эрдэ олохтоммутун бэлиэтииллэр. Ол гынан баран, сулууспалыы сылдьар элбэх оҕолоох аҕалары байыаннай сулууспаттан босхолуур эбии кыаҕы эмиэ биэриэххэ наада диэн кинилэр туруорсаллар. Ол курдук, «Байыаннай эбээһинэс уонна байыаннай сулууспа туһунан» федеральнай сокуонунан мобилизацияламмыт, байыаннай сулууспаҕа ыҥырыллыбыт гражданнар, эбэтэр байыаннай сулууспаҕа хантараак түһэрсибиттэр үһүс эбэтэр онтон кэлин оҕо төрөөтөҕүнэ байыаннай сулууспаттан босхолуур быраап көрүллүөхтээҕин туһунан этиллэр.
Саҥа сокуон барылынан элбэх оҕолоох аҕа байыаннай сулууспалааччы биир сыл сулууспатын кэннэ эбэтэр хантараак болдьоҕо түмүктэннэҕинэ уурайыан сөп. Бу нуорма быстах мобилизация биллэриллиэн иннинэ икки уонна элбэх оҕолоох гражданнарга тарҕанар.
Парламентарийдар санааларынан, бу көҕүлээһин дьиэ кэргэни араҥаччылыыр уонна араас кутталартан көмүскэнэригэр көмөлөһөр. Сокуон ылыллар түбэлтэтигэр бэчээккэ тахсыбытын кэннэ биир ыйынан күүһүгэр киириэҕэ.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…