Хаартыска СИА, Мария Васильева.
Госдуума дьокутаата Галина Данчикова бэйэтин аккауныгар үллэстибит үөрүүлээх үтүө сонунунан, бэҕэһээ, кулун тутар 22 күнүгэр «Хотугу таһаҕаһы таһыы туһунан» Саха сирэ өртөн туруорсар сокуонун барыла бастакы ааҕыыга көрүллүүтэ буолла.
Бу туһунан Галина Иннокентьевна маннык иһитиннэрэр:
— Маннык сокуону Саха сирэ уонунан сылларга туруорсан, ылылларын кэтэспитэ.
Дойду Бэрэсидьиэнэ Владимир Путин сорудаҕынан РФ Бырабыыталыстыбата, чуолаан, Уһук Илини уонна Аартыканы сайыннарыыга министиэристибэ бэлэмнээн дьүүлгэ киллэрдэ. Тус бэйэм бу сокуон барылын оҥорууга үлэлиир эспиэрдэр бөлөхтөрүн састаабыгар үлэлэһэ сылдьабын.
Сокуон барыла биһиэхэ хотугу таһаҕаспытын таһыыбытыгар туох көмөлөөх буолуой? Бастатан туран, сокуон барыла Уһук Хоту оройуоннарыгар итиэннэ онно тэҥнэммит сирдэргэ баар муниципальнай тэриллиилэргэ олохтоох айылҕа, килиимэт усулуобуйатыгар сөп түбэһэр кылгас болдьох иһигэр таһаҕаһы таһыыны тэрийэр бырааптары көрөр сокуон төрүттэрин быһаарар. Саамай суолталааҕа диэн – хотугу таһаҕаһы тиэрдии үлэтин кыттыылаахтарыгар бу сокуон судаарыстыбаннай өйөбүл миэрэлэрин тиһигин көрөрө олус үчүгэй. Маны таһынан барыл бу сокуоҥҥа киириэхтээх кэлим дьаһаллар, миэрэлэр нуормалара туох суолталаахтарын кытта быһаарар — тэрээһин, тырааныспар, логистика дьаһаллара, ити этиллибит сирдэргэ таһаҕаһынан харгыһа суох хааччыйыыны үбүлээһин мэхэньиисимнэрэ, ньымалара барыта чуолкайдык суруллар.
Барылга бу хайысхаҕа РФ Бырабыыталыстыбатын итиэннэ судаарыстыбаннай бэлиитикэҕэ уонна нуормалыыр бырааптарга, ону сэргэ муора суолун Биир сүрүн операторын быһаарыыларыгар сөп түбэһиннэрэн, таһаҕаһы таһыыны федеральнай киин өттүттэн ким сүрүннүүрэ сурулла сылдьар. Былаас федеральнай уонна эрэгийиэннээҕи уорганнарын боломуочуйаларын чэрчитинэн ким туох иһин эппиэтинэһи сүгүөхтээҕэ эмиэ олох чуолкайдык ыйылынна.
Сокуон барыла бүтэһиктээх ааҕыыга ылылыннаҕына, 2023 с. балаҕан ыйын 1 күнүттэн күүһүгэр киирэн, үлэлээн барыахтаах.
Саха сирэ бу сокуон барылыгар элбэх этиилэрин киллэрбитин бэлиэтиибин. Иккис ааҕыыга диэри саҥа көннөрүүлэри киллэриигэ син кыра бириэмэ баар. Ону биһиги хоту сирбит олохтоохторун интэриэстэрин туһугар көдьүүстээхтик туһанарбыт эрэйиллэр.
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…