Госдуумаҕа квадроберствоны тэнитиини бобор туһунан сокуон барылын бэлэмнииллэр 

Госдуумаҕа деструктивнай идеологияны пропагандалааһыны бобор туһунан сокуон барылын бэлэмнииллэр, ол иһигэр квадроберствоны, диэн РИА Новостига Госдуума үөрэхтээһиҥҥэ кэмитиэтин бэрэссэдээтэлин бастакы солбуйааччы Яна Лантратова иһитиннэрдэ.

“Деструктивнай идеологияны тэнитиини бобор туһунан сокуон барылын бэлэмниибин, ол иһигэр квадроберствоны. Бу хамсааһыны күөртээччилэри накаастыахха наада”, — диэтэ Лантратова.

Дьокутаат саныырынан, куоска кулгаахтаах уонна кутуруктаах сылдьар оҕо буруйу оҥорооччу буолбатах, кини “пропаганда сиэртибэтэ”, ол эрээри ити иһин төрөппүттэр буолбакка, квадробикаҕа интэриэһи күөртээччилэр эппиэтинэһи сүгүөхтээхтэр.

РИА Новости

Хаартыска: pxhere.com