Госдуумаҕа муус устар 1 күнүттэн биэнсийэ индексацияланар туһунан кэпсээтилэр

Госдуума бүддьүөккэ уонна нолуокка кэмитиэтин чилиэнэ Никита Чаплин ТАСС-ка кэпсээбитинэн, бу сыл муус устар 1 күнүттэн социальнай биэнсийэлэр 14,75%-нан улаатыаҕа.

Биэнсийэ үрдээһинэ Арассыыйа 4,2 мөл.киһи дохуоттарын таһымын үрдэтиэҕэ. Маннык быһаарыы дойду үрдүнэн биэнсийэлээх ааспыт сылга тиийинэн олоруу алын кээмэйин улаатыннарыыттан уонна нэһилиэнньэ сорох араҥатын өйөөһүҥҥэ оҥоһуллар диэн дьокутаат быһаарар.

«Социальнай биэнсийэлэри индексациялааһын — бу гражданнар социальнай бырааптарын хааччыйыыга дьоһун хамсааһын», — диэн Никита Чаплин бэлиэтээтэ.

Бу дьаһал страховой биэнсийэни ылыыга үлэ ыстааһын мунньумматах дьоҥҥо ордук наадалаах буолуо диэн кини эбэн эттэ. Дьокутаат бу сыалга федеральнай бүддьүөккэ 85 млрд солк. үп-харчы көрүллүбүтүн бэлиэтээтэ. «Бу дьон материальнай балаһыанньатын биллэрдик тупсарарга көмөлөһөр үгүөрү суума харчы», — диэн дьокутаат эттэ.