Хаартыска: Госдума саайтыттан
Михаил Мишустин Госдуумаҕа дойду бырабыыталыстыбатын бэрэссэдээтэлин солбуйааччыларын уонна федеральнай миниистирдэр дуоһунастарыгар кандидатуралары бигэргэтэргэ испииһэги киллэрдэ.
Бу туһунан балаата пресс-сулууспата иһитиннэрдэ. «Госдуумаҕа РФ бырабыыталыстыбатын бэрэссэдээтэлин бастакы солбуйааччытын, РФ бэрэссэдээтэлин бастакы солбуйааччыларын, ону тэҥэ федеральнай миниистирдэр дуоһунастарыгар бигэргэтэргэ кандидатуралар киллэрилиннилэр», — диэн иһитиннэриигэ этиллэр.
Бу иннинэ дойду Бэрэсидьиэнэ Владимир Арассыыйа бырабыыталыстыбатын тутулун туһунан Ыйаахха илии баттаабыта. Докумуон ыам ыйын 11 күнүгэр Кириэмил саайтыгар тахсыбыта.
Ыйаахха этиллэринэн, бырабыыталыстыба бэрэссэдээтэлэ 10 солбуйааччыланыаҕа. Ол иһигэр бастакы вице-премьер, Арассыыйа Бэрэсидьиэнин Уһук Илиҥҥи федеральнай уокурукка боломуочуйалааҕа-вице-премьер, бырабыыталыстыба аппараатын салайааччы-вице-премьер баар буолуохтара. Оттон бырабыыталыстыба саҥа састаабыгар бырамыысыланнас уонна атыы-эргиэн вице-премьерин дуоһунаһа сарбылынна.
Бырабыыталыстыба саҥа састаабыгар министиэристибэлэр тутуллара оннунан хаалла. Саҥа бырабыыталыстыбаҕа урукку курдук 21 министиэристибэлээх буолуоҕа.
Госдуума пленарнай мунньаҕар спикер Вячеслав Володин эппитинэн, ыам ыйын 13 күнүгэр пленарнай мунньахха вице-премьердэр, оттон ыам ыйын 14 күнүгэр миниистирдэр кандидатураларын көрүөхтэрэ.
Паралимпийскай оонньууларын үрүҥ көмүс призёра Анастасия Диодорова туһунан «Диодорова. Сүүрүгү утары» сахалыы драма прокатка 44,47…
Саха сиригэр 9-с уонна 11-с кылаас үөрэнээччилэригэр судаарыстыбаннай түмүк аттестациятыгар бэлэмнэнии үлэтэ түмүктэннэ. Бу туһунан…
Хомунаалынай өҥөҕө сыана үрдээһинэ хомунаалынай тэрилтэлэргэ субсидияны аччатыы реформатын кытта сибээһэ суох. Бу туһунан «Якутия…
«Евровидение» ырыа куонкуруһугар Арассыыйа төрдүс сылын субуруччу кыттыбат буолбута. 2022 сыл олунньутугар Европатааҕы вещательнай Сойуус…
«Россия 24» ханаалга биэрбит интервьютугар РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай…
Саха сирин көҥүл тустууга сүүмэрдэммит хамаандата устудьуоннарга Арассыыйа чөмпүйэнээтин түөрт боруонса мэтээллээх түмүктээтэ. Пьедестал үһүс…