Хаартыска СӨ Ил Дарханын уонна Бырабыыталыстыбатын саайтыттан
Госпиталга эмтэнэр байыаннай эпэрээссийэ кыттыылаахтара бэлэхтэри туттулар.
Аҕа дойдуну көмүскээччи күнүнэн, РФ Бэрэсидьиэнигэр СӨ Бастайааннай бэрэстэбиитэлистибэтиттэн, байыаннай сулууспалаахтары өйүүр кэлим сүрүннүүр киинтэн уонна «Саха-волонтер» уопсастыбаннай хамсааһынтан бэрэстэбиитэллэр Москваҕа, Санкт-Петербурга, Доннааҕы Ростовка, Оренбурга, Краснодарга госпиталларга сытар байыаннай сулууспалаахтарга бэлэхтэри туттардылар.
Кинилэр Саха сириттэн ыытыллыбыт астан-үөлтэн дойдулаахтарыгар набордары бэлэмнээбиттэр. Байыастар маны сэргэ, термостаах куруусканы, ону сэргэ Людмила Ноговицына ханнык да ыарахантан чаҕыйбакка, толлубакка ситиһиилэммит дьон туһунан суруйбут «Сила духа» кинигэтин бэлэх туппуттар.
Итии-истиҥ тыллардаах эҕэрдэлэрин РФ Бэрэсидьиэнигэр Саха сирин бастайааннай бэрэстэбиитэлэ, кэлим сүрүннүүр киини салайар Андрей Федотов уонна өрөспүүбүлүкэ оскуолаларын үөрэнээччилэрэ (эҕэрдэлэрин уонна хас биирдии бэлэххэ угуллубут суруктарын) тиэрдибиттэр.
Андрей Федотов байыастар эр санаалаахтарын, хорсун-хоодуот быһыыларын бэлиэтээбит, кинилэринэн дойду бүттүүнэ киэн туттарын эппит. «Түргэнник үтүөрэргитигэр баҕарабын. Өйдөөҥ, бары бииргэ ханнык да ыараханы кыайыахпыт уонна төрөөбүт өрөспүүбүлүкэбитигэр, Арассыыйаҕа эрэллээх олоҕу бэлэхтиэхпит», — диэбит кини.
Госпиталларга сытар байыаннай сулууспалаахтар эҕэрдэ уонна кыһамньы иһин махтаммыттар.
Кэлим сүрүннүүр киин байыаннай госпиталларга үлэлиир быраастары эмиэ эҕэрдэлээбит. Кинилэр кыһамньыларынан байыастар түргэнник үтүөрэллэрэ ыйыллыбыт.
Санатан эттэххэ, кэлим сүрүннүүр киин биир сүрүн хайысхатынан, эмсэҕэлээбит байыастары кытары үлэ буолар. Бу киин Ил Дархан Айсен Николаев быһаарыытынан алтынньы 14 күнүгэр тэриллибитэ уонна байыаннай сулууспалаахтарга, кинилэр дьиэ кэргэттэригэр бары өртүнэн көмөнү оҥоруу боппуруостарын сүрүннүүр.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…
Ааспыт сыл сэтинньитигэр онкология өрөспүүбүлүкэтээҕи диспансерын устуоруйатыгар киирэр түгэн — плазмосорбция процедурата оҥоһулунна. Анестезиология, реанимация…