Гостиницаҕа утуйа сытар киһи хоһун халаабыт

Дьокуускайга полиция 1 №-дээх отделын дьуһуурунай чааһыгар эр киһи 18 тыһ. солк. уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Суһал-ирдиир үлэлэр ыытылланнар, холуобунай ирдэбил уонна суһал-көрдүүр отдел үлэһиттэрэ эрдэ сууттана сылдьыбыт 33 саастаах эр киһи уорбаланарын билбиттэр.

Эмсэҕэлээччи уонна уорбаланааччы Дьокуускай биир гостиницатыгар аттынааҕы нүөмэрдэргэ тохтообуттар. Эмсэҕэлээччи аанын хатаабакка эрэ утуйан хаалбыт. Ол кэмҥэ уорбаланааччы хоско киирэн, утуйа сытар киһи малын хаһан, 18 тыһ.солк. харчыны уоран тахсыбыт. Харчыны бэйэтин наадаларыгар бараабыт.

Уоруунан холуобунай дьыала тэрилиннэ.