«Госуслуга» порталыгар үрдүк үөрэх кыһаларыгар докумуону ылаллар

Бэс ыйын 20 күнүттэн бары үрдүк үөрэх кыһалара абитуриеннарга анаан ааннарын тэлэччи астылар.

Үрдүк үөрэх кыһатыгар докумуоннары  «Госуслуга» порталынан туһанан ыытыахха сөп. Бу сонун көрүҥ  «Сыыппара экэниэмикэтэ» национальнай бырайыак чэрчитинэн олоххо киирдэ. Портал өҥөтүнэн туһанааччы хас да үрдүк үөрэх кыһатыгар  үөрэххэ туттарсарын туһунан иһитиннэриини ыытыан сөп.  Сервискэ дойду 1 тыһ. тахса судаарыстыбаннай уонна чааһынай  үөрэх кыһата баар.  Манна биэс үрдүк үөрэх кыһатыгар тэҥинэн сайабылыанньаны биэрэн, биир кэлим эксээмэн түмүгүнэн, олимпиадаҕа кыттыыга, волонтердааһыҥҥа — үөрэххэ киириигэ эбии баалы ылыахха сөп.  Үөрэххэ киирии туһунан иһитиннэрии эмиэ бу порталга кэлэр.