Гражданскай оборуона министиэристибэтэ байыаннай дьайыы кыттыылаахтарын оҕолоругар бэлэх ыытта

Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө  байыаннай дьайыы кыттыылаахтарын оҕолоругар анаан  “Донбасс” пуондаҕа бэлэхтэри тиксэрдэ.

Байыастар туруоруллубут соругу толороллорун туһугар, байыаннай дьайыыга ыҥырыллыбыттары уонна баҕа өттүнэн кыттааччылары, министиэристибэ ирдэнэр тэрилинэн өрүү хааччыйар, ону тэҥэ, кинилэр дьиэ кэргэттэрин өйүүр диэн бэлиэтииллэр.

“Аармыйа дьиҥнээх күүһэ эрэллээх тыылга буоларын өйдүүбүт. Фроҥҥа туох ирдэнэрин хааччыйа таарыйа, дьоруойдары дьиэлэригэр кимнээх күүтэллэрин эмиэ умнуо суохтаахпыт. Бу бэлэхтэр –  кинилэр тулуурдарын иһин оҕолоругар болҕомтобут сэмэй бэлиэтэ”, – диэн миниистири солбуйааччы Никита Павлов бэлиэтиир.

Биэдэмэстибэ тэрилтэлэри уонна өрөспүүбүлүкэ олохтоохторун тустаах аахсыйаҕа кыттаргытыгар ыҥырар. Баһыылканы тутуу аадырыһа: Дьокуускай к., Аммосов аатынан уул. 18 нүөмэрдээх дьиэтин 2/4 кэбиниэтэ, 2 этээс. Үлэ чааһа — 9:00-18:00, эбиэт 13:00-14:00.

Бу туһунан Ил Дархан уонна Бырабыыталыстыба пресс-сулууспата суруйар.