Ааптар хаартыската
СӨ Уопсастыбаннай балаатата уонна СӨ Ыччат дьыалаларыгар, социальнай коммуникацияларга министиэристибэтэ тэрийбит «Үлэ киһитэ – саҥа ыҥырыылар уонна кыахтар» гражданскай пуорумун пленарнай мунньаҕа түмүктэннэ.
Бүгүҥҥү мунньахха былаһааккалары салайан ыыппыт сүрүннээчилэр ырытыллыбыт боппуруостары түмүктээн тыл эттилэр. Икки күн барбыт пуорумҥа барыта тыһыынчаттан тахса актыбыыс, уопсастыбаннньык кытынна.
Бастакы күн өрөспүүбүлүкэ бары улуустарыттан кэлбит актыбыыстар, уопсастыбанньыктар биэс хайысханан былаһааккаларга арахсан, үлэ-хамнас туһунан дьүүллэспиттэрэ, инники былааннарын тормунаабыттара. Кинилэр, чуолаан, гражданскай көҕүлээһиннэри үбүлээһин, үлэ киһитин интэриэһин көмүскээһин, коммерческайа суох уопсастыбаннай тэрилтэри кытары бииргэ үлэлээһин, патриотизм уонна духуобунай сыаннастарга, сиэргэ-майгыга оҕону иитии туһунан боппуруостары дьүүллэстилэр. Бүгүҥҥү мунньахха эппиттэринэн, дьүүллэһии түмүгүнэн пуорум резолюцията ылыныллыа.
Гражданскай пуорумҥа уопсастыбанньыктары кытары атын эрэгийиэннэртэн ыҥырыылаах модератордар үлэлээтилэр. Ол курдук, Аҕа дойду буойуннарын дьиэ кэргэттэрин кэмитиэтин ыстаабын салайааччыта, Еврейскэй автономнай уобалас губернаторын солбуйааччы Мария Костюк кэлэн үлэлээтэ. Кини Еврейскэй автономнай уобаласка гражданскай уопсастыбаҕа ыытыллар үлэ туһунан кэпсээтэ, икки күннээх пуорум үлэтигэр-хамнаһыгар санаатын эттэ.
«Гражданскай пуоруму Уопсастыбаннай балаата тэрийдэ – бу олус хайҕаллаах. Билиҥҥи кэмҥэ сытыы боппуруостары уопсастыба маннык түмсэн, Уопсастыбаннай балаата нөҥүө туруорсара сөптөөх. Манна тоһоҕолоон бэлиэтиэххэ наада, кыһалҕаны эрэ бэлиэтээбэтилэр, манна өссө хайдах быһаарар туһунан этилиннилэр. Тылынан эрэ буолбакка, дьыаланы оҥоруу холобурун көрдүбүт. Итини таһынан патриотическай иитиини кытары сибээстээх боппуруостар инники күөҥҥэ тутулуннулар. Дьиэ кэргэн – олох төрдө. Бүгүн байыаннай дьайыыларга сылдьар дьоммут дьиэ кэргэттэрин, бэйэлэрин өйүөхпүтүн наада», — диэтэ кини.
«ГРАНИ» гражданскай анаалыс уонна тутулуга суох чинчийии пуондатын дириэктэрэ Светлана Маковецкая коммерческайа суох көҕүлээһиннэр тустарынан кэпсээтэ.
«Бэлиэтии көрбүппүнэн, Саха сиригэр бырайыактары оҥоруу үчүгэйдик сайдыбыт. Мин санаабар, бырайыактыыр култуураҕа Өрөспүүбүлүкэ Баһылыгын граныгар биирдиилээн дьоҥҥо эмиэ көрүөххэ сөп дии санаатым. Бу олус суолталаах көҕүлээһин диэн санааҕа кэллим. Оччотугар эдэр дьон маҥнайгы үлэ уопутун ылыа этилэр», — диэн санаатын Светлана Маковецкая эттэ.
Үлэ уонна социальнай сайдыы миниистирэ Елена Волкова «Гражданскай пуорум үлэтигэр ийэлэр кыттыыларын көҕө үрдүгүн бэлиэтиэхпин баҕарабын. Биһиэхэ Дьахталлар уопсастыбаннай тэрилтэлэрин сойууһа, “Дьүөгэлэр”, “Арассыыйа ийэлэрэ” курдук бастыҥ уопсастыбаннай хамсааһыннар бааллар. Бу ийэлэр оҕону иитиигэ, уопсастыба олоҕор оруоллара улахан, пуорумҥа кэскиллээх бырайыактары олоххо киллэриигэ кинилэр инники күөҥҥэ сылдьаллар», — диэн кини бэлиэтээтэ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…