Ульяна Захарова хаартыскаҕа түһэриитэ
Балаҕан ыйын 9-10 күннэригэр Дьокуускайга Гражданскай пуорум ыытылла турар. Манна оҕону кыра сааһыттан дойдуга бэриниилээх гына иитиигэ туспа былаһаакка тэрилиннэ.
«Лаборатория детства» дириэктэрэ, СӨ Уопсастыбаннай палаататын наука уонна үөрэх боппуруостарыгар хамыыһыйатын бэрэссэдээтэлэ Юрий Иванович Семенов санаатын үллэһиннэ:
— Бүгүн Гражданскай пуорум чэрчитинэн биһиги, «Лаборатория детства» Арассыыйаҕа аан бастакынан оҥорбут уһуйаан саастаах оҕолорго аналлаах патриотическай профессиональнай «Үрүйэчээн» («Родничок») диэн бырагыраама сэминээрин ыыттыбыт. Манна Дьокуускайтан уонна 12 улуустан бэрэстэбиитэллэр кэлэн кытта сылдьаллар. Сэминээр чэрчитинэн үгэс буолбут духуобунай сыаннастар хайдах уһуйаан үлэһитигэр арыллыахтааҕын, патриотическай иитии үлэтэ хайдах барыахтааҕын, ол бырагыраамата, былаана, төрөппүттү кытта үлэлэһэр көрүҥнэрэ, оҕону иитии, оҕо ханнык литератураны ааҕарыгар тиийэ барытын сиһилии кэпсээтибит.
Сэминээргэ уопсайа 98 уһуйаан уонна 117 иитээччи кэлэн кытынна. Кинилэргэ барыларыгар «Родничок», сахалыыта «Үрүйэчээн» диэн патриотическай иитэр суолталаах, оҕо ааҕарыгар аналлаах кинигэбитин бэлэх ууннубут. Уһуйаан үлэһиттэрэ олус сэргээтилэр. Билиҥҥи үйэҕэ оҕону патриоитзма иитии, дойдуну, дьиэ кэргэни убаастыыр, дойдутугар бэриниилээх киһини иитэн таһаарыы боппуруостарын араас түгэннэрин ырыттыбыт. Манна биир кыһалҕалаах боппуруоһунан, биһиги элбэх баҕайы бырааһынньыктардаахпыт, олор үгэстээх буолуохтаахтарын, холобур, Ийэ, Аҕа күннэрин хайдах бэлиэтиэхтээхпитий диэҥҥэ араас ыйытыылар киирдилэр. Оҕолор кыра саастарыттан үтүө үгэстэри тутуһар буоллахтарына, норуот, судаарыстыба буолан сайдыахпыт диэн уопсай түмүккэ кэллибит.
Соторутааҕыта итиигэ буһан, сэрэхтээх эчэйиини ылан, Өрөспүүбүлүкэтээҕи 2 №-дээх балыыһа Ожоговай отделениетыгар эмтэннибит. Итиигэ буһууну…
Сэмэнчик сибээскэ тахсыбатаҕа хас да хоммутун туһунан сонуну истибиппит. Дьоно хамандыырын кытта кэпсэппиттэригэр: “Кэтэһэбит, арааһынай…
Кыбартыыра бас билээччитэ өлбүтүнэн нэһилиэстибэни ылыахха диэри онно регистрациялаах олохтоохтор, аймахтар уонна нэһилиэнньиктэр олорор бырааптара…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…
Ааспыт суукка иһигэр Саха сиригэр түөрт техногеннай баһаар тахсыбыта бэлиэтэннэ. Быһылааннар түмүктэригэр эчэйбит уонна өлбүт…
Балаҕан ыйа. Киһи ордук күһүҥҥү уһун киэһэлэргэ санааҕа-онооҕо ылларан, ханна эрэ сылаас дойдуга, саҥа эйгэҕэ,…