Хаартыска: sakha.gov.ru саайтан
Госдуума миграннар албын суолунан ыал буолалларын утарар сокуону ылла. Бу туһунан «Российская газета» суруйар.
Тас дойдуттан киирээччилэргэ Арассыыйа пааспарын ылар туһугар албын суолунан эр-ойох буолуу туһата суох буолла. Билигин гражданствоны ылар туһугар үс сыл бииргэ эр-ойох буолан олоруохтарын наада. Госдуума оннук сокуону ылынна, докумуон иккис-үһүс ааҕыыны ааста.
Өскөтө ыал буолан, быстах олорорго көҥүллэтии ылбыта суутунан кырдьыга суоҕа билиннэҕинэ эбэтэр көтүрүлүннэҕинэ, бу иннинэ омук киһитигэр бэриллибит көҥүллээһин сокуоннайа суоҕунан ааҕыллар.
Өскөтө суут быһаарыытынан миграны төрөппүт быраабыттан быстахтарына, хааччахтаатахтарына эбэтэр оҕо ииттэ ылбытын көтүрдэхтэринэ, эмиэ маннык миэрэ ылыллар.
“Сокуон ылыллыбытын кэнниттэн, сымыйанан эр-ойох буолан олорооччулар аччыахтара, ол оннугар дьиҥнээх ыаллар олохторо өссө бөҕө-таҕа буолуо”, — диэтэ ГД бэрэссэдээтэлэ Вячеслав Володин. Кини санаппытынан, ИДьМ дааннайынан 2021 сылтан билиҥҥэ диэри миграционнай статус ылар сыаллаах 4300 эр-ойох буолуу бэлиэтэммит. Бу кэнниттэн миграннар 2-4 ый буолан баран, быстах олорорго көҥүллээһини ылаллар. Оттон салгыы биһиги дойдубутугар олорор быраабы, пааспары ылаллар.
Онно холоотоххо бу ылыллыбыт саҥа сокуон барытын төрдүттэн уларытар.
“Сымыйанан эр-ойох буолан, омуктарга өҥө оҥорор дьоҥҥо холуобунай эппиэтинэһи киллэрэбит, барытын уустугурдабыт, — диэтэ дьокутаат Абдулхаким Гаджиев.
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …