Хаартыска sakha.gov.ru ылылынна
РФ Ямало-Ненецкэй автономнай уокурук сенатора, Хоту дойду, Сибиир уонна Уһук Илин аҕыйах ахсааннаах төрүт норуоттарын ассоциациятын бэрэсидьиэнэ Григорий Ледков Саха сиригэр ыытыллар Таба иитиитигэр норуоттар икки ардыларынааҕы чөмпүйэнээт дьыалабыай чааһа үрдүк таһымнаахтык ааспытын бэлиэтээтэ.
“Биһиги олус астынныбыт. Саха сиригэр ассоциация чилиэннэрин кытта кэлбитим. Дьыалабыай чааһыгар табаны иитиини сайыннарыы сытыы боппуруостарын көрдүбүт. Бэйэм үлэм туһунан кэпсиирбэр бэртээхэй түһүлгэнэн буолла. Сокуон өттүнэн хааччыйыыга табаны иитии салаатыгар сокуоннары салгыы хамсатарга санаабытын атастастыбыт”, — диэтэ Григорий Ледков.
СӨ Бырабыыталыстыбатын Бэрэссэдээтэлин солбуйааччы Михаил Никифоров чөмпүйэнээт дьыалабыай чааһын түмүктүүрүгэр норуоттар икки ардыларынааҕы кэмпириэнсийэҕэ судаарыстыбаннай-чааһынай бииргэ үлэлээһин, каадырдары бэлэмнээһин, норматинай-быраап базатын боппуруостарын дьүүллэспиттэрин бэлиэтээтэ.
“Табаны иитиини сайыннарыы боппуруостарыгар норуоттар икки ардыларынааҕы кэмпириэнсийэ үрдүк таһымнаахтык ааста. Бу үлэ түмүгүнэн ылыллыбыт резолюция иникитин Арассыыйа Федерациятыгар табаһыттар олохторун тупсарыаҕа. Ол курдук, кэмпириэнсийэ сүрүн түмүгүнэн көс олохтоох табаһыттар (кочевники) тустарынан сокуону оҥорууну көҕүлээһин буолла”, — диэтэ Михаил Никифоров.
Чөмпүйэнээт кэмигэр “Аан дойду табаһыттара” ассоциация уочарата суох мунньаҕа уонна “Арктикаҕа глобальнай уларыйыылар усулуобуйаларыгар хотугу дьиэ табатын иитиини бигэтик сайыннарыы” норуоттар икки ардыларынааҕы кэмпириэнсийэ ыытылыннылар.
СӨ Ил Дарханын уона Бырабыыталыстыбатын пресс-сулууспата
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…