Хаартыска: Андрей Сорокин
Сэтинньи 9 күнүгэр Дьокуускайга «Триумф» успуорт уораҕайыгар булкаас киирсиигэ Ил Дархан Айсен Николаев Куубага буолла. Норуоттар икки ардыларынааҕы турнирга ММА-ҕа Григорий Барашков кыайыылаах аатын сүктэ.
«Турнир номнуо иккис төгүлүн Eagle FC — UFC чөмпүйүөнэ Хабиб Нурмагедов Лиигэтин кытта ыытыллар. Быйыл бастыҥ байыас аатын ыларга Ирантан, Туркменистантан, Египеттан, Узбекистантан, Афганистантан уонна Арассыыйаттан 24 спортсмен кииристэ. Бары кыттыылаахтар бэркэ диэн кииристилэр. Онтон турнир Куубагын Саха сириттэн Григорий Барашков ылла. Кини Афганистантан сылдьар спортсмены тэхиниичэскэй нокаукка ыытан кыайда. Ис сүрэхпиттэн эҕэрдэ! Саха сирэ уолбутунан киэн туттар!», — диэн Ил Дархан Айсен Николаев эттэ. Ол курдук, Григорий Барашков сүрүн киирсиигэ Афганистантан кыттыбыт Азим Мохлиһы кыайда.
«Биһиги салайааччыбытыгар Иван Федорович Охлопковка уонна хамаандабытыгар махталбын тириэрдэбин. Тэрийээччилэргэ эмиэ барҕа махтал, турнир номнуо иккис сылын үрдүк таһымнаахтык ыытыллар. Ону тэҥэ Азим Мохлиска үчүгэй киирсиибит иһин эмиэ махтал. Уруй Айхал!», — диэн Барашков эттэ. Ил Дархан аатыттан сүрүн бирииһи СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников туттарда.
«Өрөспүүбүлүкэбит баһылыга Айсен Николаев успуорт араас көрүҥнэрин өйүүр — көҥүл тустууну, хапсаҕайы, ат сүүрдүүтүн, ону тэҥэ булкаас киирсиини. Көрөрбүт курдук, кини номнуо иккис төгүлүн турниры «Триумф» успуорт уораҕайын саалатыгар ыытта. Онон бу үгэс буолан ситимин быспакка салҕана туруо уонна биһиги лиганы турниры бииргэ тэрийсибиттэригэр махтанабыт. Маннык тэрээһиннэр инникитин өссө да ыытылла туруохтара диэн бигэ эрэллээхпин. Биһиги ММА бэдэрээссийэбитигэр уонна кини бэрэсидьиэнигэр, турнир тэрийээччитигэр Александр Кычкиҥҥа анал махталбытын тириэрдэбин», — диэн Дмитрий Садовников эттэ.
Сүрүн сиэккэҕэ Пермьтан Максим Кожевников, Махачкалаттан Исраил Гаджиагаев уонна Шахбан Алхасов, Афганистантан Азим Махлис, Саха сириттэн Григорий Барашков, Краснодартан Армен Торосян кытыннылар. Ону кытта полуфиналга Мэҥэ Хаҥаластан Павел Гуляев, Тааттаттан Егор Захаров, Дьокуускайтан Петр Уваров, Василий Григорьев, Алексей Пасторов уонна Гавриил Семенов кииристилэр.
Санаттахха, бастакы турнир былырыын 2023 сылга ыытыллыбыта, кыайыылааҕынан Саха сирин Томпо улууһуттан Узаир Абдураков буолбута. Турнир тэрийээччилэрэ — Арассыыйа булкаас киирсиитин бэдэрээссийэтэ, СӨ булкаас бойобуой киирсиигэ (ММА-ҕа) бэдэрээссийэтэ уонна СӨ успуорка уонна физическэй култуураҕа министиэристибэтэ.
Кулун тутар ыйга Ньурба улууһун Маалыкай сэлиэнньэтигэр "Сайдыы" тыа хаһаайыстыбатын кэпэрэтиибигэр ситэ сайдыбатах ньирэй эрдэлээн…
РФ Үпкэ министиэристибэтигэр 2026 сыл балаҕан ыйын 1 күнүттэн табаҕы уонна никотиннаах бородууксуйаны лицензията суох…
Дьокуускай куорат быыһааччылара Мэҥэ Хаҥалас улууһугар эр киһини көрдөөһүҥҥэ кыттыстылар. Эр киһи муус устар 30…
Өлүөнэ өрүскэ муус ааһар кэмигэр Дьокуускайга 204 түөлбэттэн «Намыв» ыстаансыйаттан Аллараа Бэстээх хайысханан урбаанньыттарынан 26…
Саха сирин синоптиктара билгэлииллэринэн бүгүн, ыам ыйын 13 күнүгэр, Ленскэйгэ, Мииринэйгэ, Өлүөхүмэҕэ, Алдаҥҥа ардыыр, хотугулуу-илин…
Бу күннэргэ Улуу Кыайыы 80 сылыгар улуустарга уонна нэһилиэктэргэ Бэтэрээннэр искибиэрдэрин саҥардан оҥордулар, Кыайыы болуоссаттарыгар…