Норуоттар икки ардыларынааҕы гроссмейстер Дмитрий Кряквин Саха сирин эдэр саахыматчыттарын бэлэмнэрин таһымын үрдүктүк сыаналаата. Кини бу күннэргэ Дьокуускайга буола турар саахымакка Ил Дархан Куубагын чэрчитинэн маастар-кылаас ыытта, баҕалаахтары кытта оонньоото.
«Арассыыйа Куубагын бастакы түһүмэҕэ — бу сезону быһаарар улахан суолталаах турнир буолар. Мин Дьокуускайга ыытыллар күрэхтэһии таһымын сөхтүм. Ыччат олус сайдыылаах эбит. Бэҕэһээ биир уоллуун оонньоон көрбүтүм, бэркэ утарылаһан кииристэ. Түмүгэр тэҥнэспиппит. Өссө биир кыыс Арассыыйа саамай эдэр гроссмейстерин Володар Мурзины кытта оонньоон эмиэ тэҥнэспитэ. Саха сирин спортсменнара бу күрэхтэһиигэ статист курдук буолбакка, утарылаһыыны оҥороллор диэн бэлиэтээн этэбин. Оҕо саахымата өрөспүүбүлүкэҕэ сайдан иһэр эбит. Маннык күүстээх күрэхтэһиилэр инникитин даҕаны ыытыллан, Саха сиригэр гроссмейстердар баар буоллуннар», — диэн Дмитрий Кряквин санаатын СИА-ҕа эппит.
Маастар-кылаастар уонна биир кэмнээх оонньуулар тохсунньу 28 күнүгэр диэри сарсыарда 10 чаастан күннэтэ ыытыллыахтара. Буолар сирэ — Өрөспүүбүлүкэтээҕи дуобат-саахымат киинэ. Баҕалаахтар бары кыттыахтарын сөп.
Уруоктары норуоттар икки ардыларынааҕы гроссмейстердар Дмитрий Кряквин, Михаил Кобалия, Володар Мурзин ыыталлар. Өрөбүлгэ блиц-турнир буолуоҕа.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…