Салгыы
Грузияҕа баар биир дойдулаахтарбыт дойдуларыгар төннөн эрэллэр

Грузияҕа баар биир дойдулаахтарбыт дойдуларыгар төннөн эрэллэр

09.03.2023, 17:04
Хаартыска: pxhere.com/
Бөлөххө киир:

Бу күннэргэ Грузияҕа барбыт Арассыыйа дьоно-сэргэтэ Тбилисигэ иирсээн тахсан, дойдуларыгар төннөргө күһэлиннилэр, онон кыраныыссаны туоруур Хонтуруоллуур-аһардар пууҥҥа дьон бөҕө тоҕуоруста диэн киин иһитиннэрэр-көрдөрөр сириэстибэлэр иһитиннэрэллэр.

«Грузияҕа бырачыастар саҕалананнар Верхний Ларс Хонтуруоллуур-аһардар пуунугар Арассыыйаҕа киирээччи элбэх буолан, хаайтарыы таҕыста», — диэн «Известия» телеграмм-ханаалыгар суруйар.
Грузияҕа кулун тутар 7 күнүттэн 8 күнэ үүнэр түүнүгэр иноагеннар тустарынан сокуон тахсыбытын утаран маассабай бырачыастар саҕаламмыттара. Утарар миитиҥҥэ тыһыынчаттан тахса киһи кыттыбыт.
Грузия парламена «О прозрачности иностранного влияния» диэн сокуону ылынан айдааны тардыбыт. Онно этиллэринэн, биирдиилээн дьон эбэтэр көрдөрөр-иһитиннэрэр сириэстибэлэр тас дойдуттан 20% ордук үбүлээһини ылар буоллахтарына, анал реестргэ киирэллэр диэн. Арай онтон куотунар буоллахтарына, 25 тыһыынча лари (727,5 тыһ. солк.) кэриҥҥэ ыстарааптаналлар эбит.
Дьиктитэ баар, Грузия Бэрэсидьиэнэ Саломе Зурабишвили бырачыастааччылары өйүүрүн, омук агеннарын туһунан сокуону тохтотуом диэн биллэрбитэ, ол эрээри ити даҕаны миитиннээччилэри уоскуппатах. Бырачыас хамсааһынын түмүгэр 200-н тахса киһи эчэйбит, 300-чэ киһи тутуллубут.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 мая
  • 7°C
  • Ощущается: 6°Влажность: 36% Скорость ветра: 2 м/с

Сообщить об опечатке

Текст, который будет отправлен нашим редакторам: