СИА хаартыската
2024 сылга өрөспүүбүлүкэҕэ ГТО кыһыл көмүс бэлиэтин икки тыһыынчаттан тахса киһи, үрүҥ көмүһү — 330, боруонсаны — 247 киһи ылбыт.
ГТО туттарыы кэмигэр барыта 29, 1 тыһ. ураты бэлиэни ылбыттар, ол иһигэр кыһыл көмүс бэлиэни — 11,7 тыһ.кэриҥэ, үрүҥ көмүһү — 10,4 тыһ.тахса, боруонсаны — 7 тыһ.тахса киһи ылбыта бэлиэтэнэр.
Өрөспүүбүлүкэҕэ бүгүҥҥү күҥҥэ улуустарга уонна куорат уокуруктарыгар барыта ГТО туттарарга 42 киин тэриллэн үлэлиир.
Тэрээһини ыытарга 158 миэстэ — успуорт комплекстара, стадионнар, бассейннар, сыал ытар тиирдэр уонна хайыһар баазалара киирэллэр. Манна судьуйалар биригээдэлэрэ бэйэлэрэ нэһилиэнньэҕэ судьуйа хамыыһыйатыгар киирэннэр ГТО туталлар.
—ГТО туттарарга нэһилиэнньэни ыҥыран өрөспүүбүлүкэ үрдүнэн улахан тэрээһиннэр ыытыллаллар. Бүгүҥҥү күҥҥэ саамай көхтөөхтүк үлэлэһэр сирдэринэн Дьокуускай, Мииринэй, Нерюнгри, Чурапчы, Мэҥэ Хаҥалас, Ленскэй буолаллар, — диэн СӨ физическэй култууратын уонна успуордун миниистирэ Леонид Спиридонов бэлиэтиир.
2024 сылга ГТО туттарыытын күһүҥҥү бэстибээлигэр 7,3 тыһ. тахса киһи кыттыыны ылбыта. Итинтэн Дьокуускайга 3,3 тыһ.киһи, улуустарга — 4 тыһ.киһи.
ГТО нуорматын туттарарга успуордунан тиһиктээхтик дьарыктанар дьон, ол иһигэр бэйэлэрэ дьарыктанааччылар, 6 саастарыттан 70-гар уонна онтон да үөһээ саастаахтар кыттыахтарын сөп. Онно кыттарга gto.ru саайтка регистрацияланаллар.
ГТО.РУ официальнай интэриниэт порталыгар барыта 175 тыһ. тахса киһи регистрацияламмыт.
СӨ Ил Дархана Айсен Николаев Ил Түмэҥҥэ туһаайан этиитигэр, Саха сиригэр 2018 сылтан успуорт 50 улахан эбийиэгэ тутуллубутун бэлиэтээн турар. Итинтэн сороҕо «Успуорт — олох нуормата» федеральнай бырайыагынан тутуллубут.
2023 сыл түмүгүнэн, өрөспүүбүлүкэҕэ физкултууранан уонна успуордунан тиһиктээхтик дьарыктанар нэһилиэнньэ 57,5% эбит буоллаҕына, 2024 сыл ахсынньытыгар — 59,5% тэҥнэспит. Онтон 2030 сылга диэри — физкултууранан уонна успуордунан тиһиктээхтик дьарыктанар дьон ахсаанын 70% диэри элбэтэр сорук турар.
СӨ Ил Дарханын уонна Бырабыыталыстыбатын пресс-сулууспата
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…