Хаартыска; SakhaGov
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах чинчийиитин таһаарда. Ил Дархан Айсен Николаев Москва куорат, Татарстан Өрөспүүбүлүкэтин, Санкт-Петербург курдук бөдөҥ куорат, өрөспүүбүлүкэ баһылыктарын кэнниттэн тилэх баттаһа иһэр.
Балаҕан ыйыгар уонна алтынньыга Айсен Николаев үлэтин анаалыстыырга эспиэртэр хас даҕаны киэҥ далааһыннаах тэрээһиннэргэ болҕомто уурбуттар.
Саха сирэ «Илиҥҥи экэнэмиичэскэй пуорумҥа-2025» бэрт итэҕэтиилээхтик көһүннэ, өрөспүүбүлүкэ 106 млрд. солк. сөбүлэҥ түһэристэ. Маныаха бииргэ холбоммут инвестиционнай бартыбыал быһа холуйан 641 млрд. солк. тэҥнэһэр.
Арассыыйа бөдөҥ эрэгийиэнэ ВЭФ-кэ куорат сайдыытын маастар-былаанын, тырааныспарын, бырамыысыланнаһын, энергэтиичэскэйэ суох несырьевой экспорты, энэргэтиичэскэй бырайыагы, креативнай экэниэмикэни, туризмы, уо.д.а. сүрүн хайысхалары хабар 52 инвестиционнай бырайыагы билиһиннэрдэ.
Маныаха ураты болҕомтону сыыппара уларыта тутуутугар (цифровой трансформации) боппуруостарыгар уурбуттар. Айсен Николаев уонна Сбербанк ПАУо салайааччыта Герман Греф сыыппара технологиятыгар, үөрэххэ көҕүлээһиҥҥэ, оҥоһуу өй лабаратыарыйатын үлэтигэр, о.д.а. инновационнай быһаарыыны киллэриини кытта ситимнээх кыттыгас бырайыактары ырытыспыттар. Арассыыйаҕа инники күөҥҥэ сылдьар “Озон” уонна “Wildberries” маркетплейстары кытта сөбүлэһиилэрэ суолталаахтар, Дьокуускайга тарҕатар кииннэри тутуохтара. Бу саҥа үлэ миэстэтин таһаарыаҕа, логистиканы тупсарыаҕа уонна нэһилиэнньэҕэ табаар сыанатын чэпчэтиини хааччыйыаҕа.
Эрэгийиэҥҥэ өссө биир суолталаах сөбүлэҥинэн Петербурдааҕы норуоттар икки ардыларынааҕы пуорумҥа “Газпром” ПАО бэрэссэдээтэлэ Алексей Миллеры кытта илии баттаһыыта буолар.
Итини тэҥэ, эспиэртэр Айсен Николаев ордук эрэгийиэн экэниэмикэтин хамсатар биир сайдыытын — IT-эйгэни бэлиэтээбиттэр (Саха сирэ сыыппара экосистиэмэтин сайыннарыыга Арассыыйаҕа 10 бастыҥ эрэгийиэн ахсааныгар киирэр).
Эспиэртэр улахан аҥаардара, Айсен Николаев Уһук Илин эрэгийиэнигэр уонна “Национальнай эриэйтиҥҥэ” лидердэр кэккэлэригэр сылдьара сөптөөҕүн ыйаллар.
“Национальнай эриэйтин” ырытыытын сиһилии манна ааҕыҥ.
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…
INTERFAX.RU иһитиннэрбитинэн, АХШ бэрэсидьиэнэ Дональд Трамп сөмөлүөтүгэр олорон суруналыыстарга Кытай бэрэсидьиэнэ Си Цзиньпинныын элбэх боппуруоска…