Гульсум Бейсембаева: «Уустук кэмҥэ хаһааҥҥытааҕар да сомоҕолоһуулаах буолуохтаахпыт»

Пресс-кэмпириэнсийэҕэ РФ Бэрэсидьиэнэ Владимир Путин бүгүҥҥү күҥҥэ сүрүн соругунан дойду суверенитетын харыстааһын буоларын бэлиэтээтэ.

Саха сирин норуоттарын Ассамблеятын Мииринэйдээҕи Сэбиэтин салайааччыта  Гульсум Бейсембаева дойду Аҕа баһылыгын кытта толору сөбүлэһэрин биллэрдэ:

— Дьон быраабын уонна көҥүлүн уопсастыбаны ыспат туһуттан убаастыахха наада.  Билиҥҥи уустук балаһыанньаҕа ыһыллыбат туһуттан хаһааҥҥытааҕар да сомоҕолоһуулаах буолуохтаахпыт. Оччотугар эрэ элбэх омук тоҕуоруһан олорор Арассыыйабыт харысхаллаах буолуоҕа.