Гулжан Огонёрова: “Саха сирэ – дьоруойдар дойдулара” бырагыраама салайааччыларга саҥа култуураны киллэрэр”

РФ Бэрэсидьиэнэ көҕүлээбит уонна Саха сирин Ил Дархана Айсен Николаев эрэгийиэн таһымыгар өйөөбүт  “Дьоруойдар кэмнэрэ” бырагыраама байыаннай дьайыы кыттыылаахтарыгар саҥа кыахтары арыйар.

Байыастар үөрэнэллэригэр, судаарыстыба структуратыгар үлэни булалларыгар уонна өрөспүүбүлүкэ сайдыытыгар  бэйэлэрин кылааттарын киллэрэллэригэр кыаҕы биэрэр.

««Саха сирэ – дьоруойдар дойдулара» V бырагыраама — бастатан туран, байыаннай дьайыы кыттыылаахтарын уонна бэтэрээннэрин  өйөөһүн. Кинилэр мунньуммут уопуттарын, билиилэрин уонна лиидэр хаачыстыбаларын эйэлээх олоххо  туһаналларын туһугар. Бу бырагыраама көмөтүнэн биһиги судаарыстыбабытын салайааччыларга саҥа култуура олохтонор», — диэн Саха сирин Уопсастыбаннай балаататын бэрэссэдээтэлин солбуйааччы Гулжан Огонерова санаатын үллэһиннэ.