Хаартыска: Борис Гоголев.
РНА СС Гуманитарнай чинчийии уонна хотугу аҕыйах ахсааннаах омуктар проблемаларын институтун уонна СӨ «Симэх» норуот ускуустубатын, уус-уран оҥоһуктарын национальнай киинэ» автономнай тэрилтэ икки ардыларыгар бииргэ үлэлииргэ дуогабар түһэрсилиннэ.
Сөбүлэһии сүрүн сыалынан, билим төрүттэригэр олоҕуран, норуот ускуустубатын, уус-уран оҥоһуктарын, өбүгэ саҕаттан илдьэ кэлбит үгэстэрин үөрэтии, чөлүгэр түһэрии, үйэтитии, ону сэргэ, бу эйгэҕэ туттуллар тиэрминнэри судаарыстыбаннай уонна официальнай тыллар таһымнарыгар таһаарыы буолар. Тэрээһиҥҥэ биллэр-көстөр учуонайдары сэргэ, ыҥырыылаах норуот маастардарын, бу эйгэнэн дьарыктанар үөрэх тэрилтэлэрин, уопсастыбаннай түмсүүлэр салайааччыларын, үлэһиттэрин улахан бөлөҕө кыттыыны ылла. Бииргэ үлэлэһиигэ илии баттаатылар: Гуманитарнай чинчийии уонна хотугу аҕыйах ахсааннаах омуктар проблемаларын институтун дириэктэрэ Сардана Ильинична Боякова уонна СӨ «Симэх» норуот искусствотын, уус-уран оҥоһуктарын национальнай киинэ» автономнай тэрилтэ дириэктэрэ, СӨ култууратын үтүөлээх үлэһитэ Яна Викторовна Игнатьева.
Тэрээһин чэрчитинэн үһүс этээскэ норуот маастардарын, кинилэр үөрэнээччилэрин оҥоһуктарын улахан быыстапката үлэлээтэ. «Балаҕан» комплексыгар туой оҥоһуктарга маастар-кылаас ыыттыллар. Онтон институт иккис этээһигэр СӨ физическэй култууратын уонна успуордун түмэлин дириэктэрэ Михаил Друзьянов, «Арассыыйа устуоруйатын халандаара» диэн тус быыстапката аһылынна. Манна 1860 сылтан саҕалаан, араас кэм халандаара үгүс дьон болҕомтотун тарта. Быыстапка институт дьиэтигэр, Петровскай уулусса 1 нүөмэригэр, ыам ыйын 15 күнүгэр диэри туруоҕа.
Ахсынньыттан РНА СС Гуманитарнай чинчийии уонна хотугу аҕыйах ахсааннаах омуктар проблемаларын института маннык хабааннаах сөбүлэҥи төрдүс төгүлүн түһэристэ.
Борис ГОГОЛЕВ.
ИДьМ 1-кы нүөмэрдээх салаатыгар эр киһи тиийэн массыынабыттан электрическэй үстүрүмүөннэри уордулар диэн сайабылыанньа суруйбут. Хоромньу…
Күн сырдыга ыараханнык ыалдьыбыт киһиэхэ күндү да буоллаҕа. Киһи биирдэ олорор. Быһылааҥҥа,оһолго түбэстэххэ, ыыппат ыарыыга…
Кэбээйи улууһун Куокуй нэһилиэгин уһуйаанын тиэргэнин бэртээхэй хаар оҥоһуктар киэргэтэллэр. [gallery ids="178769,178770,178771,178772,178773,178774"] Бу маны барытын…
"Хайа, хайдах олороҕут, ытык кырдьаҕастар?" - диэн ыйытыктаах Сунтаар улууһун баһылыга Анатолий Григорьев Ньурбатааҕы кырдьаҕастар…
Саҥа дьылы көрсө Ил Дархан Айсен Николаев уһулуччулаах биир дойдулаахтарбытыгар Арассыыйа уонна Саха Өрөспүүбүлүкэтин судаарыстыбаннай…
Саҥа дьылбыт чугаһаан ким хайдах дьоҕурдааҕынан, сатабыллааҕынан тиэргэнин, тэрилтэтин иннин киэргэтэр. Элбэх улууска социальнай тэрилтэлэр…