Гуманитарнай идэлэргэ өссө биир булгуччу туттарыллар эксээмэн киириэх курдук

Гуманитарнай уонна социальнай-экэнэмиичэскэй идэлэргэ туттарсар абитуриеннарга история БКЭ булгуччу киирэрэ кэпсэтиигэ сылдьар.

РБК иһитиннэрбитинэн, бэс ыйын 22 күнүгэр дойду бэрэсидьиэнэ Владимир Путин 5-11 кылаастарга история учебниктарын эрэдээктэрдээбит дьону кытта көрсүһүүтүгэр МГИМО ректора Анатолий Торкунов маннык ис хоһоонноох этиитин өйөөбүт.

Үөрэх миниистирэ Сергей Кравцов суруналыыстарга, гуманитарнай уонна социальнай-экэнэмиичэскэй үрдүк үөрэх кыһаларыгар туттарсыыга устуоруйаҕа булгуччулаах БКЭ киириитэ учууталлары кытта дьүүллэһиллэн баран биирдэ ылыллыахтаах диэн эттэ.