Хаамыскаҕа устудьуон бирииһэ — ньирэй

Share

Быйылгы күрэс төрүт көрүҥнэригэр XXll Манчаары оонньууларын кыайыылаахтарыгар сылгы, ынах сүөһү бириистэри спонсордар хото биэрдилэр.

Ол курдук, хаамыска көрүҥүн күрэһин кыайыылааҕа, Ульяновскайдааҕы гражданскай авиация институтун иккис кууруһун устудьуона Марат Ляшеев саха ынаҕын ньирэйин хаһаайынынан буолла.
Бу туһунан сиһилии
Баһылай Манчаары аатынан өрөспүүбүлүкэтээҕи успуорт төрүт көрүҥнэрин сайыннарар киин уһуйааччыта Надежда Белолюбская маннык сырдатта:
«Күрэс төрүт көрүҥнэригэр Манчаары оонньууларын бырагырааматыгар «Тоҕус тоҥсуур», «Сымса тарбах» диэн хаамыска көрүҥэ саҥа киирбитэ. Бирииһин — саха ынаҕын ньирэйин Ньурба улууһун Акана нэһилиэгин баһылыга Ефрем Семенов туруорбута. «Тоҕус тоҥсуур» диэн көрүҥ: тоҕус хаамыскаттан биири үөһэ быраҕан баран, ол түһүөр дылы остуолга сытар 8 хаамысканы барытын субуруччу тоҥсуйан ылыахтааххын. «Тоҕус тоҥсуур» хаамысканы былыр Үөһээ Бүлүү Далырыгар оонньуур эбиттэр. Федерацияны төрүттээбит Андрей Донской Далыр оскуолатын учууталын Игнат Николаевы «олус бэркэ тоҥсуйан оонньуура» диэн ахтара. Ол иһин билигин Үөһээ Бүлүүгэ ыытыллар турнирга бу «Тоҕус тоҥсууру» өрүү киллэрэллэр. «Манчаары оонньууларыгар» бииртэн биир чаҕылхай маастардар кэлэн күөн көрүстүлэр. Онно Марат Ляшеев Горнай улууһун хамаандатыттан кыттан, чуолкайдык тоҥсуйан, тэҥнээҕин
булбата. Кини миэхэ Пригороднай бөһүөлэгин 12-с оскуолатыгар 7-с кылааска үөрэнэ сылдьан, бастаан түүр төрүт омуктар толкуйдатар оонньууларыгар дьарыктаммыта, онтон сыыйа хабылыгы, хаамысканы себүлээн оонньуур буолбута. Улахан кылаастарга өрөспүүбүлүкэтээҕи лиссиэйгэ киирэн ситиһиилээхтик үөрэммитэ. Бу тухары Марат Ляшеев курдук дэгиттэр күрэсчит сүүрүүтүн, төрүт оонньууларга дьарыктаныытын тохтоппотоҕо. Бэрдьигэстээххэ ыытыллыбыт Манчаары оонньууларыгар оҕолорго чөмпүйөннээбитэ.
Былырыын күһүн Казахстан Астана куоратыгар көһө сылдьар омуктар 5-с Аан дойдутааҕы күрэстэригэр «тогызкумалак» диэн казахтар толкуйдатар оонньууларыгар 3-с миэстэни ылбыта.
Марат Ляшеев үөрэҕиттэн көтөн кэлээт, тута Тааттаҕа буола турар Манчаары оонньууларыгар тиийэн кэлбитэ. Кини Горнай хамаандатын чилиэнэ.
Дьэ, ити курдук, сайын каникулугар кэлбит устудьуон уол саха ынаҕын ньирэйин сэртипикээтин туппутунан дьиэтигэр киирэн кэлэн, чугас дьонун үөртэ.

Recent Posts

  • Сонуннар
  • Уопсастыба

Балаҕан ыйын 1 күнүгэр хайдах күн-дьыл буолуоҕай?

Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…

14 минут ago
  • Сонуннар
  • Тыа хаһаайыстыбата
  • Уопсастыба

Балыктаах эдэр пиэрмэрдэрэ саҥа дьыалаҕа ылыстылар

Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…

29 минут ago
  • Сонуннар
  • Сүрүн

Оҕо оонньообута иэдээҥҥэ тиэрдиэн сөп…

Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…

59 минут ago
  • Сонуннар
  • Үөрэх

Коронавирус саҥа долгунуттан сылтаан дистанционнай үөрэххэ көһүү туһунан сымыйа  сурах тарҕанна

Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…

1 час ago
  • Сонуннар
  • Уопсастыба

Бэтэринээр үтүө аата – үйэлэргэ. Петровтар династиялара

Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…

1 час ago
  • Сонуннар
  • Уопсастыба

Айсен Николаев Нерюнгри олохтоохторун Шахтер күнүнэн эҕэрдэлээтэ

Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…

2 часа ago