Хаандыгаҕа 16 саастаах оҕо ууга былдьанна

Ааспыт сууккаҕа Саха сиригэр биэс буруйу оҥоруу буолбутун туһунан СӨ Борокуратуурата иһитиннэрэр.

Хаҥалас улууһун Мохсоҕоллоох бөһүөлэгэр 1977 с.т. дьахтары өлөрдүлэр, уорбаланааччыны быһаардылар.

Ленскэй куоракка 1979 с.т. эр киһи доруобуйатын улаханнык эчэппиттэрин түмүгэр тыына быһынна, уорбаланааччыны быһаардылар.

Мииринэй оройуонун Чернышевскай бөһүөлэгэр 1987 с.т. эр киһини искэ быһаҕынан анньыбыттар.

Алдаҥҥа итирэн баран уруулга олорбут суоппардар иккистээн тутуллубуттар.

Томпо улууһун Хаандыга бөһүөлэгэр 2009 с.т. оҕо Алдан өрүскэ тимирбит, өлүгүн булбуттар.

Киһи өлүүлээх суол быһылаана тахсыбатах. Дьокуускайга Покровскайдыыр суолга түөрт массыына кыттыылаах саахал буолбут. Ол түмүгэр 2014 уонна 2020 с.т. оҕолор госпитализацияламмыттар.

Суукка иһигэр итирик туруктаах 13 суоппар тутуллубут.