Хаандыгаҕа тиэхиньикэ атыылаһаары эр киһи 545 тыһ.солк. маппыт

Суукка иһигэр Саха сирин үс олохтооҕо түөкүттэргэ албыннатта. Бу туһунан ИДьМ пресс-сулууспата иһитиннэрэр.

Түөкүттэргэ Дьокуускай уонна Хаандыга олохтоохторо албыннаттылар.

«Энергосбыт» сымыйа үлэһитэ эрийбитигэр, киин куорат 80 саастаах олохтооҕо 380 тыһыынча солкуобайыттан маппыт. Эмиэ куорат олохтооҕо — 53 саастаах пуобар «инвестициянан» харчытын үлүннэрээри, 1 мөлүйүөн солкуобайы сүтэрбит.

Хаандыгаҕа 51 саастаах олохтоох киһи тыа хаһаайыстыбатын тиэхиньикэтин атыылаһаары түөкүттэргэ киирэн биэрэн, 545 тыһыынча солкуобайы сүтэрбит.