Ханнык тэллэйдэри хомуйуу мөлүйүөнүнэн ыстараабынан эргиллиэн сөбүй?

Саха сирин Экология министиэристибэтигэр мөлүйүөнүнэн ыстарааптаах ханнык тэллэйдэри хомуллубат ордугун туһунан кэпсээтилэр.

Саха сиригэр Кыһыл кинигэҕэ киирбит тэллэй барыта 11 көрүҥэ үүнэр. Сэдэх уонна сүтэр кутталлаах тэллэйдэри хомуйуу иһин биир тыһыынчаттан биэс тыһыынчаҕа диэри биирдиилээн киһиэхэ административнай ыстараап көрүллэр, биэс сүүс тыһыынчаттан биир мөлүйүөҥҥэ диэри юридическай сирэйдэргэ. Кыһыл кинигэҕэ киирбит тэллэйдэр өрөспүүбүлүкэ үрдүнэн ордук киин, соҕуруу уонна соҕуруулуу-арҕаа өттүгэр үүнэллэр.

Сэдэх, Кыһыл кинигэҕэ киирбит тэллэйдэр испииһэгэ:

• Клавариадельфус язычковый — Clavariadelphus ligula.
• Клавариадельфус пестичный — Clavariadelphus pistillaris.
• Клавариадельфус усеченный — Clavariadelphus truncatus.
• Траметес Любарского — Trametes ljubarskyi.
• Гериций коралловидный — Hericium coralloides.
• Полипорус корнелюбивый — Polyporus rhizophilus.
• Полипорус зонтичный — Polyporus umbellatus.
• Рогатик зеленеющий — Ramaria abietina.
• Рогатик грациозный — Ramaria gracilis.
• Рогатик шведский — Ramaria suecica.
• Климакодон красивейший — Climacodon pulcherrimus.

Мантан атын сиэниллэр тэллэйи куттаммакка хомуйуохха сөп  диэн Экология министиэристибэтин пресс-сулууспата суруйар.