Мария Васильева хаартыската, СИА.
Арассыыйаҕа сыл аайы муус устар 20 күнүгэр Донор национальнай күнэ бэлиэтэнэр.
Хааны биэрии (донорство) – хааҥҥа наадыйар билбэт киһигин быыһыырга бэйэ хаанын биэрии, ону таһынан социальнай өйөбүлүнэн туһаныы. Бэлиэтээн эттэххэ, федеральнай сокуон быһыытынан, хаан туттарбыт киһи хааны тутар тэрилтэ суотугар босхо аһылыгынан хааччыллар.
-Хаан туттарыах биир хонук иннинэ уонна туттарар күҥҥэ сыалаах, ыһаарыламмыт, аһыы уонна ыыһаммыт аһылыгы, халбаһы бородууксуйатын, эт, балык уонна үүт бородуукталарын, сымыыты, арыыны, сакалааты, эриэхэни уонна финиги, авокадону, сүбүөкүлэни, банааны сиир көҥүллэммэт;
-Ол оннугар барыанньалаах минньигэс чэйи, суогу, муоруһу, компоту, минеральнай ууну иһэр уонна килиэби, хатарыллыбыт килиэби, буһарыллыбыт куруппаны, арыыта суох ууга буспут мокуруону, оҕуруот аһын уонна фруктаны (авокадоттан, сүбүөкүлэттэн, банантан уратыны) сиир ордук.
-Хаан тутар сулууспаҕа тиийиэх 48 чаас иннинэ – арыгыны, онтон 42 чаас иннинэ аспириннаах эмтэри уонна анальгетиктары иһиллибэт;
-Биир чаас инниттэн табахтыыртан туттунуллар;
-Хааны сарсыарда эрдэттэн туттарар организмҥа табыгастаах. 12.00 чаас кэнниттэн куруук туттарар донордар эрэ хааннарын биэриэхтэрин сөп;
-Түүҥҥү дьуһуурустуба уонна үчүгэйдик утуйбатах түүн кэнниттэн туттарар сыыһа;
-Эксээмэннэр, күрэхтэһиилэр иннилэригэр уонна күүстээх үлэ кэмигэр хаан туттарыытын былааннаныллыбат.
18-тан үөһээ саастаах ханнык баҕарар доруобай киһи хаан туттарар кыахтаах.
Биир киһи хаанын компоненнарга араараллар уонна ол түмүгүнэн 4-5 киһи олоҕо быыһаныан сөп.
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…