Хаартыска: Доруобуйа харыстабылын министиэристибэтин пресс-сулууспата.
Ыам ыйын 15-21 күннэригэр Арассыыйаҕа хаан баттааһына үрдээһинин сэрэтиигэ аналлаах нэдиэлэ ыытыллар.
Хаан баттааһына (артериальнай давление) киһи сааһыттан, эти-сиини ноҕуруускалыыр бириэмэтиттэн, стресстэн, сүрэх үлэтиттэн, хаан сүүрэр тымырдартан уо.д.а. чахчылартан тутулуктаах.
Хаан баттааһынын кэмниир тонометрга бастакы сыыппара сүрэх муҥутаан үлэлиир кэмигэр хаан тымырдар истиэнкэлэригэр төһө күүскэ баттыырын, онтон иккис сыыппара – уоскуйуу, сынньалаҥ кэмигэр төһө баттыырын көрдөрөр.
Оскуола иннинээҕи саастаах оҕолор хааннарын баттааһына ортотунан — 80/50, обургу оҕолорго — 110/70 буолар. Онтон улаатан истэхтэрин аайы бэрт кыратык үрдүүр. Ол гынан баран, улахан дьон хаанын баттааһына 140/90 үрдүө суохтаах.
Хаанын баттааһына үрдүк киһиэхэ артериальнай гипертония эбэтэр гипертензия, оттон хаанын баттааһынанамыһах киһиэхэ гипотензия эбэтэр гипотония баар буолаллар.
Онуоха өр кэмнээх артериальнай гипертензия гипотензиятааҕар доруобуйаҕа биллэ кутталлаах.
Хаанын баттааһына үрдүк дьоҥҥо мэйиигэ хаан эргиирэ (инсульт) биллэрэ – 7 төгүл, сүрэх ишемическай ыарыыта биллэрэ – 4 төгүл элбэх буолуон сөп. 160/100 уонна онтон үөһээни көрдөрөр артериальнай гипертензия өр кэмҥэ эбэтэр ыараханнык барарын эмтээбэтэххэ, эмискэ өлүү куттала 50% үрдүүр.
Доруобуйа харыстабылын тэрилтэтин чахчыларынан, хаан баттааһынын судургутук хонтуруоллааһын сүрэх-тымыр систиэмэтин кутталлаах ыарыытыттан уонна ол содулуттан (инфаркт, инсульт, тымыр деменцията, ретинопатия эбэтэр эмискэ өлүү) куотарга көмөлөһөр.
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…