Хаартыска: sakha.gov.ru ылылынна
Байыаннай дьайыы бэтэрээнэ Михаил Тимофеев уонна кини напарнига Святослав Махатыров иккис миэстэни ыллылар. Бу «Хаар айан-2025» трофи-рейдэ — өрөспүүбүлүкэтээҕи кыһыҥҥы чөмпүйэнээт «Круговой Инжектор» диэн уустук түһүмэҕэр.
Уһулуччулаах судаарыстыбаннай диэйэтэл Гавриил Чиряев төрөөбүтэ 100 сылыгар анаммыт күрэхтэһии өрөбүллэргэ Бүлүү улууһугар ыытылынна. Күрэхтэһиигэ Саха сирин улуустарыттан уопсайа алта уонтан тахса хамаанда кыттыыны ылла.
«Маннык күрэскэ кыттыы — бэйэни холонон көрүү эрэ буолбакка, бэйэҕэ ыҥырыы кэриэтэ буолар. Манна хас биирдии кыайыыны бэйэҥ сыраҕынан ситиһэҕин, олоххо курдук буоллаҕа», — диэн Михаил санаатын үллэстэр.
Кини баһаарынай чааска үлэлиир, оҕолору, ыччаты дойдуга, төрөөбүт сиргэ-уокка бэриниилээх буоларга иитии үлэтигэр, «Аҕа дойдуну көмүскээччилэр» пуонда филиалын уопсастыбаннай бырайыактарыгар көхтөөхтүк кыттар. Бэтэрээн ситиһиигэ айанын «Мэҥэ айан» күрэстэн саҕалаабыта. Онно кинини «Аҕа дойдуну көмүскээччилэр» пуонда филиалын уопсастыбаннай бырайыактарга салайааччытын солбуйааччы Симона Томская, Мэҥэ Хаҥалас улууһунааҕы социальнай координатордар Елена Аммосова уонна Рената Спиридонова өйөөбүттэрэ.
«Биһиги дьоруойдарбытынан киэн туттабыт. Михаилга хорсун быһыытын, тулуурун, дьулуурун иһин махтанабыт. Кини холобура атыттары көҥүлээтин«, — диэн пуонда филиалын социальнай координатордара бэлиэтииллэр.
Санатар буоллахха «Аҕа дойдуну көмүскээччилэр» пуонда РФ Бэрэсидьиэнэ В.Путин сорудаҕынан тэриллибитэ. Сүрүн сыалынан СВО бэтэрээннэрин уонна дьоруойдар дьиэ кэргэттэрин арыаллааһын буолар.
СӨ Ил Дарханын уонна Бырабыыталыстыбатын пресс-сулууспата
“Айар “ национальнай кыһа “Выдающиеся люди республики “ сиэрийэтинэн бу күннэргэ төрөөбүтэ 100 сыла бэлиэтэнэр…
Байыаннай дьайыы бааһырбыт кыттыылааҕын көрөргө-харайарга төрөппүтүгэр уонна кэргэнигэр эбии төлөммөт уоппуска бэриллэр. Госдума бу сокуону…
Дьокуускай куоракка Бүтүн Арассыыйатааҕы “Сыл дириэктэрэ” идэ күрэһин өрөспүүбүлүкэтээҕи түһүмэҕэ ыытылла турар. Тэрийээччилэр иһитиннэрэллэринэн, идэ…
Бу күннэргэ ыһаарыламмыт собо "Саха сирэ" хаһыат үрдүгэр уруһуйдаммыта социальнай ситимнэринэн тарҕана турар. Мин эмиэ,…
Саха сирин баһылыга Айсен Николаев А.С.Пушкин аатынан Нуучча драматическай судаарыстыбаннай академическай тыйаатырын дириэктэрэ Александр Лобановы…
Аллайыаха улууһун Чокуурдаах бөһүөлэгэр ыт ииримтийэн ыалдьыбыта бэлиэтэммит. Бу кутталлаах ыарыыны бэйдиэ сылдьар ыттан булбуттар…