Хаартыска: sakha.gov.ru
Бүлүү куоратыгар өрөспүүбүлүкэтээҕи трофи-рейд диэн «Хаар айан -2025» күрэхтэһиини Гавриил Чиряев 100 сылыгар анаатылар.
Ол курдук, күрэхтэһии Оруктаах диэн эбэҕэ ыытылынна. Уопсайа 60 хамаанда өрөспүүбүлүкэ араас улуустарыттан кыттыыны ылла. Түмүккэ финалга 30 массыына таҕыста.
Тэрийээччилэр бэлиэтээбиттэринэн, бары хамаандалар күрэхтэһиигэр көхтөөхтөрүн, түмсүүлээхтэрин көрдөрбүттэр. Ити курдук, карбюратордаах массыыналар икки ардыларыгар «Быһый» диэн Мэҥэ Хаҥалас улууһун хамаандата ылла. Оттон инжекторнай массыыналар икки ардыларыгар «Гром» диэн Таатта улууһун хамаандата таҕыста. Быйыл дьахталлар хас даҕаны хамаанда тэринэн кытта кэлбиттэр.
Бастакы «Хаар айан» диэн УАЗ массыыналар икки ардыларыгар күрэхтэһии 2019 сыллаахха Чурапчы улууһун Бахсытыгар ыытыллыбыта.
Бэлиэтээн суруйдахха, быйыл Гавриил Чиряев 100 сылын бэлиэтиир үбүлүөйдээх сыла. Дьокуускайга бу нэдиэлэҕэ Гавриил Чиряев олоҕун, үлэтин туһунан кинигэ сүрэхтэниитэ буолуохтаах. Маны сэргэ бырактыычаскай кэмпириэнсийэ, түмэллэргэ киинэ көрдөрүүтэ, тематическай быыстапкалар буолуохтаахтар.
Оттон сайын бэс ыйын 20-21 күннэригэр Үбүлүөйдээх ыһыах Бүлүү куоратыгар ыытыллыахтаах. Балаҕан ыйын 27 күнүгэр бырааһынньыктааҕы тэрээһиннэр түмүктэниэхтэрэ.
Санаттахха, Дьокуускайга муус устар 4 күнүгэр, киэһэ 18:00 чаастан Гавриил Чиряев 100 сылыгар Д.К. Сивцев—Суорун Омоллоон аатынан Опера уонна балет тыйаатырыгар Саха сирин уопсастыбаннаһын үөрүүлээх мунньаҕа ыытыллыаҕа.
Харах мөлтөөһүнүн эрдэттэн сэрэтиэххэ сөп диэн бэлиэтииллэр. Саха ыалын халандаарыгар (2007 с.) бу туһунан маннык…
Улуустарга байыастар дьиэлэрин киин ититэр ситимҥэ холбооһун үлэтэ салҕанар. 2025 сылга 45 дьиэни холбуур былааннаахтар.…
Бүгүн, муус устар 1 күнүгэр, Көр-күлүү, дьээбэ күнүнэн сибээстээн, саха киинэтин режиссердара СӨ үтүөлээх артыыһа…
Бэрэсидьиэн Владимир Путин муус устар 1 күнүттэн от ыйын 15 күнүгэр диэри байыаннай сулууспаҕа сааскы…
Күн бүгүн "Манчаары оонньууларын" финальнай чааһыгар 774 путевка оонньонно. Остуол оонньууларыгар, хотугу многоборьеҕа, национальнай многоборьеҕа,…
Бүгүн “Кыайыыны истиэххэ” аахсыйа көмөтүнэн Арассыыйа хайа баҕарар олохтооҕо номоххо киирбит, аҥардас куолаһыттан этиҥ сааһа…