Хаар оҥоһукка УФСИН тэрилтэлэрин ортотугар бастыҥнары быһаардылар

Дьарыктаах буолууларын тэрийиигэ уонна айар дьоҕурдарын сайыннарыыга УФСИН хаайыылаахтарга сыл ахсын хаар уонна муус оҥоһуктарга куонкурус тэрийэн ыытар.

Эрдэтинэ оҥоһуктар эскииһин бигэргэттэрэн, хаайыылаахтар хаар уонна муус оҥоһуктары оҥороллор. Быйыл отуттан тахса үлэ көрүлүннэ, ол иһигэр сыл бэлиэтин — Күөх Моҕойу, Тымныы оҕонньору, Хаарчаананы, Саҥа дьыллааҕы харыйаны, остуоруйа дьоруойдарын көрүөххэ сөп.

Дьүүллүүр сүбэ хамыыһыйатын чилиэттэрин быһаарыытынан кыайыылаахтар быһаарылыннылар: 1 миэстэ — 6 №-дээх холуонньа, 2 миэстэ – 7 №-дээх холуонньа, 3 миэстэ –1 №-дээх холуонньа, диэн УФСИН пресс-сулууспата иһитиннэрдэ.