Бүгүн хаардыыр, -53С кыраадыска диэри тымныйар

Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр сорох сиринэн хаардыа. Тыала орто күүстээх буолуо.

Түүнүн салгын температурата -38-43 кыраадыс тымныы, хотугулуу-илин хотоол сирдэргэ -48-53 кыраадыска диэри түһүө. Хаар түһэр кэмигэр киин уонна хотугу улуустарга -32-37, арҕаа уонна соҕуруу -20-25 кыраадыс буолуо, оттон халлаан халыннаҕына -30-35 кыраадыска диэри тымныйыа.

Күнүс -25-30 кыраадыс, хотугулуу-илин  -41-46, хоту -35-40 кыраадыс тымныы буолуо. Өрөспүүбүлүкэ арҕаа уонна соҕуруу өттүгэр -20-25 кыраадыс, оттон соҕуруулуу-арҕаа уонна соҕуруу быдан сылаас, ол эбэтэр -5-10 кыраадыс буолара күүтүллэр.