Хаартыска: sakha.gov.ru
От ыйын 15 күнүгэр СӨ бырабыыталыстыбатын бэрэссэдээтэлин бастакы солбуйааччы Дмитрий Садовников салалтатынан «2019-2025 сс. хаарбах дьиэ пуондатыттан дьону көһөрүү» өрөспүүбүлүкэтээҕи сыаллаах бырагырааманы олоххо киллэрэр штаб мунньаҕа буолан ааста.
Мунньах сүрүн тиэмэтинэн 2022 уонна 2023 сыллардааҕы түһүмэх кыһалҕалаах эбийиэктэрэ буолла, олорго болдьохтор ааспыттар уонна эбэһээтэлистибэлэр толоруллубат кутталлара баар.
Өрөспүүбүлүкэ тутууга министиэристибэтэ иһитиннэрбитинэн, 2022 сыллааҕы түһүмэххэ былааннаммыт 123 элбэх кыбартыыралаах дьиэттэн 116-та үлэҕэ киирбит. Хаалбыт сэттэ эбийиэк бэлэм буолаллара араас түһүмэххэ сылдьар. Сотору кэминэн икки эбийиэк үлэҕэ киириэн сөп, өссө иккитэ тутуллан бүтэн эрэр, күһүн чугаһыгар үлэҕэ киириэхтээхтэр. Үс эбийиэккэ бэдэрээтчиттэр ортолоругар үп-харчы өттүнэн ыарырҕатыы, тутуу технологияларын кэһии уонна сууттаһыылар курдук кэккэ кыһалҕалар бэлиэтэммиттэр.
2023 сыллааҕы түһүмэҕинэн, бүгүҥҥү күҥҥэ диэри 51 дьиэттэн 35-һэ үлэҕэ киирдэ. Хаалбыт 16 эбийиэк тутулла турар, олортон алта эбийиэгэ 90%-тан тахса бэлэмнээх буолан, сотору кэминэн үлэҕэ киириэхтэрин сөп. Итини тэҥэ, сорох эбийиэктэргэ графиктан хаалыы уонна тутуу хаамыытын тэрийиини кытта сыһыаннаах атын ыарахаттар бааллар.
Дмитрий Садовников бэлиэтээбитин курдук, анал уорганнар хонтуруолларын күүһүрдүөххэ уонна бэдэрээтчиттэри кытта сибээһи олохтуохха наада. Мунньахха тутуу түмүктэнэрин хааччыйар миэрэлэргэ ураты болҕомто уурулунна, диэн иһитиннэрэр Ил Дархан, бырабыыталыстыба пресс-сулууспата.
Быйыл тохсунньуттан орто үөрэх кэнниттэн үрдүк үөрэххэ туттарсааччыларга уларыйыы киирдэ. Туох? Орто үөрэҕи бүтэрбиттэр эрдэ…
Туһанааччылар бырааптарын көмүскээһин уонна киһи доруобуйатын хонтуруоллуур федеральнай сулууспа (Роспотребнадзор) «Нестле Россия» ХЭТ биэрбит иһитиннэриитигэр…
«Тэтим» араадьыйа «Былааһы кытта кэпсэтии» биэриитигэр Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатын миниистирэ…
Хаҥалас улууһугар гараастан 68 саастаах эр киһи өлүгүн булбуттар. Бу туһунан тохсунньу 30 күнүгэр сарсыарда…
Саҥа сыл аан дойдуга элбэх араллааннаах саҕаланна. Кимиэхэ эрэ эрэл кыымын саҕан, кимиэхэ эрэ эрэл…
“Саха сирэ” хаһыат бүгүҥҥү бээтинсэтээҕи нүөмэригэр киһи аахтар-ааҕа олоруох бииртэн биир олус ааҕыллымтыа матырыйаал хаһыат…