Хаартыска Дьокуускай куорат дьаһалтатын пресс-сулууспатыттан
Дьокуускайга гражданнары хаарбах туруктаах олорор дьиэттэн көһөрүү бырагыраамата ситиһиилээхтик үлэлиир.
Олорор дьиэ сыһыаннаһыыларын департаменын дириэктэрин солбуйааччы Вадим Семенов иһитиннэрбитинэн, Дьокуускай куорат дьаһалтата хаарбах туруктаах дьиэни аҕыйатыыга улахан үлэни ыытар. Муниципальнай бырагырааманан 17-с түөлбэҕэ Жорницкай уул. 19 уонна 21, Пионерскай 13-гэр элбэх кыбартыыралаах үс дьиэттэн дьон көспүт. Жорницкай 19 нүөмэригэр икки мэндиэмэннээх мас дьиэҕэ олорбут Зоя Антонова муниципальнай бырагырааманан Свердлов 18-гар икки хостоох кыбартыыра күлүүһүн туппут.
«Биһиги хаарбах туруктаах дьиэҕэ үс хостоох кыбартыырабыт бастакы этээскэ баара уонна кыһын наһаа тымныы этэ. Толору хааччыллыыта суоҕа. Быйыл муус устарга Свердлов уул.18 нүөмэригэр икки хостоох толору хааччыллыылаах кыбартыыра күлүүһүн туппуппут», — диэн кэпсиир Зоя Петровна. Антоновтар икки оҕолоохтор. Улахан кыыс Анжелика тохсус кылаас үөрэнээччитэ, кыра уоллара иккис кылааска киирбит. Ыал аҕа баһылыга «Саюрига» үлэлиир.
Муниципальнай бырагырааманы таһынан, Дьокуускайга өрөспүүбүлүкэтээҕи аадырыстаах бырагырааманан билигин 162 хаарбах туруктаах элбэх кыбартыыралаах дьиэттэн көһөрүүгэ үлэ ыытыллар, итинтэн көһөрүллүбүтэ көтүрүллүүтэ 60-тан тахса. Куорат сорох олохтоохторо «Звезднай» түөлбэҕэ саҥа кыбартыыраҕа күлүүстэри туппуттар, оттон сотору кэминэн Кузьмин уулуссатыгар элбэх кыбартыыралаах биир дьиэ үлэҕэ киириэхтээх.
Дьокуускай куорат дьаһалтатын пресс-сулууспата
Ороһуоспа алыптаах күннэригэр эһигини СӨ Национальнай ойуулуур-дьүһүннүүр түмэлигэр күүтэллэр. Тохсунньу 3, 4, 5 уонна 6…
Саха сиригэр Дьиэ кэргэн уонна Оҕо саас сылларыгар 10721 оҕо күн сирин көрбүт: 5443 уол,…
Оскуола агролабораториятыттан репортаж. Кыһыҥҥҥы суолунан командировкабыт Мэҥэ Хаҥалас Сыымаҕар туһаайылынна. Эрэдээксийэ массыынатынан Хатаһынан түһэн, Эбэбитин…
Уус Алдаҥҥа Бээди төһө даҕаны киинтэн тэйиччи, кытыы буолбутун иһин, олус сэргэх олохтоох. Манна бааллар…
Гавриил Спиридонович Угаров-Эһээ Дьыл ХИФУ бэрэпиэссэрэ, биология билимин дуоктара, фантаст-суруйааччы. Ытык киһи Эһээ Дьыл диэн…
Ил Тумэҥҥэ ыытыллыбыт парламент истиилэригэр бэйэ оҥорон таһаарар бородууксуйатын элбэтии кыһалҕаларын уонна кэскилин дьүүллэстилэр. Мунньаҕы…