Хаарбах, саахалланар туруктаах дьиэлэр аҕыйаатыннар

 “Кимиэхэ эрэ “Сулустаах” дьиэ, кимиэхэ эрэ…” диэн кыһалҕалаах дьиэлээх-уоттаах үс оҕолоох ийэ туһунан суруйбуппут. Бу кыһалҕанан Автодорожнай уокуруктан уонна Дьиэ-уот сыһыаннаһыыларыгар департаментан быһаарыы көрдөөбүппүт.

Бүгүн Дьиэ-уот сыһыаннаһыыларыгар департаментан кэлбит быһаарыыны бэчээттиибит.

РФ гражданнарын регистрационнай учуоттарын оҥорор уонна картотека отделыгар баар сибидиэнньэнэн, 07.06.2013 сыллаах хамсаабат баай-дуол биир кэлим судаарыстыбаннай реестрин выпис­катыгар олоҕуран, Дьокуус-кай к. Михаил Николаев прос­пегын 3 дьиэтин, 3 куорпуһугар олорор гр. Степанова П.В. олорор дьиэ ¼ өлүүскэтин бас билээччинэн буолар. Үөһээ этиллибит аадырыска олорор дьиэлэригэр 2013 сыл балаҕан ыйын 19 күнүттэн регистрацияламмыт. Ону тэҥэ дьиэ кэргэн чилиэннэрэ регистрацияламмыттар: Степанова В.А. (кыыһа, ¼ бас билээччи)  19.09.2013 сылтан; Степанова В.А. (кыыһа, ¼ бас билээччи)  19.09.2013 сылтан; Сивцева В.А. (кыыһа, ¼ бас билээччи)  19.09.2013 сылтан.

Дьокуускай к. Михаил Николаев пр., 3/3 аадырыһыгар турар элбэх кыбартыыралаах олорор дьиэ  27.07.2020 с. 1131р №-дээх Дьокуускай куорат Уокуруктааҕы дьаһалтатын дьаһалынан саахалланар туруктааҕынан билиниллэн,  көтүрүллүүгэ барар диэн буол­бут. Бу дьаһалга РФ Олорор дьиэ кодексатын 32 ыст. 10 чааһыгар сөп түбэһиннэрэн, дьиэ реконструкциятыгар эбэтэр көтүрүллэригэр миэрэлэри ылалларыгар дьиэни бас билээччилэргэ болдьох ыйыллыбыт.

«О Фонде содействия реформированию жилищно-коммунального хозяйства» 185 №-дээх ФЗ 21.07.
2007 с. Федеральнай со­­куон 16 ыст. 2 п. сөп түбэһиннэрэн, «Переселение граждан из аварийного жилищного фонда на 2019-2025 годы» өрөспүүбүлүкэтээҕи аадырыстаах бырагыраамаҕа 01.01.2012 сылтан 01.01.2017 сылы хабан туран сокуонунан киирбит саахалланар туруктаах элбэх кыбартыыралаах дьиэлэр киирэ сылдьаллар.

Үөһэ этиллибит олорор дьиэ­ни саахалланар турук­тааҕынан билинии туһунан быһаарыы 01.01.2017 с. кэнниттэн ылыныллыбыт буолан, гражданнары саахалланар турук­таах дьиэ пуондатыттан көһөрөр билиҥҥи өрөспүүбүлүкэтээҕи аадырыстаах бырагыраамаҕа киллэрэр кыах суох.

01.01.2017 сыл кэнниттэн саахалланар турук­тааҕынан көтүрүллүөхтээх  элбэх кыбар­тыыра­лаах олорор дьиэлэр олох­тоохторун көһөрүү боппуруо­һа бырагыраа­ма дьаһалларын олоххо киллэрии былааннаммыт түһүмэҕэ түмүктэммитин кэннэ быһаарыллыаҕа.

17 кыбартаал эргэ мас дьиэлэрин оннугар 327 тыһ. квадрат иэннээх элбэх кыбартыыралаах 46 дьиэ тутуллуохтаах. Онно 13,5 тыһыынча киһи олоруоҕа.

Манна бэлиэтээн эттэххэ, СӨ Тутууга министиэристибэтэ 2023 с. балаҕан ыйын 1 күнүттэн Дьокуускай куорат агломерациятыгар баар саахалланар туруктаах дьиэлэртэн дьону барытын көһөрүү (“дорожнай каарта”) кыраапык-былаанын “Фонд развития территорий” ППК-ҕа оҥорон ыыппыта. Сорудахха сөп түбэһиннэрэн, 01.01.2017 сылтан 01.09.2023 сылга диэри саахалланар туруктааҕынан билиниллибит дьиэлэртэн дьону көһөрүү кыраапыга 2030 сыл тохсунньу 1 күнүгэр диэри болдьохтоох.

Маны тэҥэ бу дьиэ 28.12.2022 сыллааҕы 445п №-дээх Дьокуускай куорат Уокуруктааҕы дьаһалтатын уурааҕынан бигэргэтиллибит «Обеспечение жильем населения городского округа «город Якутск» на 2023-2027 годы» диэн муниципальнай бырагыраама “Дьокуускай куорат” куораттааҕы уокурук саахалланар туруктаах пуондатыттан дьону көһөрүү” муниципальнай хос бырагырааматыгар киллэриллибитэ (салгыы – муниципальнай хос бырагыраама).

Муниципальнай хос бырагыраама олоххо киириитэ үбүлээһин кээмэйиттэн тутулуктаах. Ол эбэтэр, үбүлээһин баар буоллаҕына, муниципальнай хос бырагыраамаҕа киирбит саахалланар дьиэлэртэн көһөрүү ыытыллыан сөп.

Манна бэлиэтээн эттэххэ, 2023 сыл балаҕан ыйын 13 күнүнээҕи иһитиннэриинэн, гр. Степанова П.В. Дьокуус-
кай к. Михаил Николаев прос­пега, 3 дьиэ, 3 куорпуһугар. баар дьиэтин сарайа сууллар кутталлааҕынан, быстах кэмҥэ олорор дьиэнэн хааччыйалларыгар, Дьиэ-уот сыһыаннаһыыларыгар департаменыгар баран ыйыталаһарыгар сүбэлээбиттэрэ. Онно аккаастаабыта.

2023 с. алтынньы 23 күнүгэр суһал наймылаһыынан маневреннай пуонда дьиэтигэр: Дьокуускай к. Көтөр баабырыкатын түөлбэтин, 12 дьиэтин, 203 Б кв. киирэн олор диэн этиллибитэ. Онно дьиэ квадратнай миэтэрэтэ кыра диэн эмиэ аккаастаабыта.

Ахсынньы 9 күнүгэр Дьокуускайга Якутскай уул. 63/1 №-дээх дьиэтин көтүрүү саҕаламмытын туһунан “РИА” АУо СЗ иһитиннэрдэ. Бу дьиэҕэ олорор дьон бары “Сулустаах” түөлбэҕэ кыбартыыраны эбэтэр харчынан толуйууну ылбыттар.

Дьиэ-уот сыһыаннаһыыларыгар департамент аныгыскы дьону көһөрөр эрэгийиэннээҕи бырагыраама саҕаланыар диэри быстах кэмҥэ, сүрүнэ, куттала суох  дьиэни биэрэргэ бэлэм.

Чахчылар уонна сыыппаралар

– “2019-2025 сылларга саахалланар туруктаах олорор дьиэлэртэн дьону көһөрүү” өрөспүүбүлүкэтээҕи аадырыстаах бырагырааманан 260 киһи көһөрүллүбүт.

– «2023-2027 сылларга “Дьокуускай к.” куораттааҕы уокурук нэһилиэнньэтин дьиэнэн-уотунан хааччыйыы» диэн муниципальнай бырагыраама “Дьокуускай куорат” куораттааҕы уокурук саахалланар туруктаах пуондатыттан дьону көһөрүү” муниципальнай хос бырагырааматынан 409 киһи көһөрүллүбүт.

– 2024 сылга барыта 669 киһи бу бырагыраама көмөтүнэн туһаммыт.

Дьокуускайга “Спортивнай” түөлбэ тутуллуохтаах сиригэр бастакы дьиэни көтүрүү саҕаланна

Ахсынньы 9 күнүгэр Дьокуускайга Якутскай уул. 63/1 №-дээх дьиэтин көтүрүү саҕаламмытын туһунан “РИА” АУо СЗ иһитиннэрдэ. Бу дьиэҕэ олорор дьон бары “Сулустаах” түөлбэҕэ кыбартыыраны эбэтэр харчынан толуйууну ылбыттар.

“Эһиил көтүрүллүбүт дьиэ оннугар элбэх мэндиэмэннээх дьиэ иккис сиэксийэтэ баар буолуо. Аттыгар бастакы сиэксийэ сыбаайалара хайыы үйэ түһэн тураллар”, – диэн  “РИА” АУо-ҕа эттилэр.

17 кыбартаал эргэ мас дьиэлэрин оннугар 327 тыһ. квадрат иэннээх 46 элбэх кыбартыыралаах дьиэлэр тутуллуохтаахтар. Онно 13,5 тыһыынча киһи олоруоҕа.

Оттон бу сылларга “Спортивнай” түөлбэҕэ 90 тыһ. ­квадрат иэннээх 160 хаарбах уонна саахалланар туруктаах дьиэ көтүрүллүөхтээх.

“Кимиэхэ эрэ “Сулустаах” дьиэ, кимиэхэ эрэ…” матырыйаалы бу сигэнэн киирэн көрүҥ: https://sakha-sire.ru/kimiehe-ere-sulustaah-die-kimiehe-ere/

ХААРТЫСКА: “РИА” АУо СЗ СААЙТЫТТАН.