Хаартыска: sakha.gov.ru ылылынна
Саха сиригэр «Жилье» федеральнай бырайыак олоххо көхтөөхтүк киирэр.
2025 сыл 5 ыйыгар Саха сиригэр 2,5 тыһ. киһи 11,8 тыһ. кв.м. хаарбах туруктаах олорор дьиэ пуондатыттан көстүлэр. 2019-2024 сс. көрдөрүүнэн, 49 тыһ.киһи 911, 2 тыһ. кв.м. хаарбах, саахалланар туруктаах олорор дьиэ пуондатыттан көһөрүллүбүт. Элбэх кыбартыыралаах алта дьиэ тутуллан үлэҕэ киирбит. Уопсай иэнэ 6,8 тыһ. кв. м.
Бырагыраама олоххо ситиһиилээхтик киириитин холобурунан, арктическай бөһүөлэккэ Зырянкаҕа 45 кыбартыыралаах дьиэ 2024 сыллаахха тутуллан киирбитэ буолар. Биир кыбартыыра хаһаайкатынан оҕо ускуустубатын оскуолатыгар үҥкүүнү үөрэтэр Маргарита Яковлева буолар. Кини Үөһээ Халымаҕа төрөөбүт уонна онно олорор. Саҥа дьиэҕэ көһөрүн күүппүтэ ырааппыт. Түөрт мэндиэмэннээх саҥа дьиэ уопсай иэнэ 3 тыһ. кв. м тахса. Эбийиэк «Олорор дьиэ уонна куорат эйгэтэ» национальнай бырайыак иитинэн , аадырыстаах бырагырааманан тутуллубут.
—Сайын өрүһүнэн эрэ айан суола баар. Бастаан икки бастакы дьиэни үлэҕэ киллэрбиттэрэ, биһиэнэ уочаратынан сэттис дьиэ этэ. Оччолорго мин итэҕэйбэт да этим. Дьиэлэммит дьону уочараттара кэлэн ыллылар дии саныырым. Сыл ахсын ити курдук дьиэлэр тутуллан киирэн испиттэрэ. Биһиги уочараппыт тиийэн кэлбитэ. Маннык үчүгэй бырайыак иһин Бэрэсидьиэн Владимир Путиҥҥа хайдах махтаныахпын билбэппин, — диэн үөрүүтүн Маргарита Яковлева үллэстэр.
Сыл бүтүөр диэри өрөспүүбүлүкэҕэ өссө 5,5 тыһ. киһини көһөрөрү, элбэх кыбартыыралаах 62 дьиэни тутан киллэрэри былаанныыллар.
Сиһилии: https://www.sakha.gov.ru/news/8314
СӨ Ил Дарханын уонна Бырабыыталыстыбатын пресс-сулууспата
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…