Хаарбах туруктаах дьиэттэн көһөрүү үлэтэ — киин куоракка

Гражданнары хаарбах дьиэттэн көһөрүү эрэгийиэҥҥэ РФ Бэрэсидьиэнэ В.Путин көҕүлээбит «Олох инфраструктурата» национальнай бырайыак иитинэн ыытыллар.

—Өрөспүүбүлүкэҕэ хаарбах туруктаах дьиэттэн дьону көһөрүү үлэтэ тиһиктээхтик ыытыллар. 2017 сыл тохсунньу 1 күнүттэн  Дьокуускайга хаарбаҕынан 1332 дьиэ билиниллибитэ. Өрөспүүбүлүкэ үрдүнэн итиннигинэн билиниллибит дьиэ ахсаана 4254, онно 38 тыһ. тахса киһи олорор. Кинилэри көһөрүү боппуруоһа олохтоох бэйэни салайыныы органнарын уонна федеральнай киини кытта бииргэ быһаарыллар, — диэн СӨ тутууга министиэристибэтиттэн иһитиннэрэллэр.

Дьокуускайга ураты болҕомто саҥа тутулла турар микрооройуоҥҥа ууруллар.

«Спортивнай» — бу 2а, 2б, 2г, 4а, 4б, 4в уонна 17 кыбартааллар, манна Дьокуускай куорат элбэх саахалланар туруктаах дьиэлэрэ бааллар. Хас биирдии дьиэҕэ киин куорат дьаһалтатын кытта көһөрүү боппуруоһунан тэрээһиннэр ыытыллаллар. 2017 сыл кэнниттэн хаарбаҕынан билиниллибит дьиэлэр бааллар. Бүгүҥҥү күҥҥэ сири-уоту кэлим сайыннарыы иитинэн, 2024 сылга 11 дьиэттэн көһөрүллүбүттэрэ, итиэннэ өссө 17 дьиэттэн гражданнары көһөрүү үлэтэ ыытыллар.

Сиһилии: https://www.sakha.gov.ru/news/14717

СӨ Ил Дарханын уонна Бырабыыталыстыбатын пресс-сулууспата