Хаарбах дьиэттэн көһөрүүгэ Саха сирэ Уһук Илиҥҥэ бастыҥ

2019 сылтан Уһук Илин уокуругар «Жилье и городская среда» национальнай бырайыак үлэлиир. Бу кэм устата хаарбах дьиэттэн 104 тыһыынча киһи көһөрүлүннэ. Саха сирэ саамай үрдүк көрдөрүүлээх — 749,43 тыһыынча кв.м. иэннээх хаарбах дьиэ көһөрүллүбүтэ.

Уһук Илиҥҥэ хаарбах дьиэттэн көһөрүү уопсай кээмэйэ 2 мөлүйүөн кв.м. тэҥнэспитэ. Бу мантан 386,5 тыһыынча кв.м. иэннээх дьиэттэн көһөрүүгэ эрэгийиэннээҕи үптэн көрүллүбүтэ. Саха сирин кэнниттэн Сахалин уобалаһа — 563,14 тыһыынча кв.м. уонна Амурскай уобалас — 141,24 тыһыынча кв.м. иэннээх хаарбах дьиэни көһөрн, эмиэ бастыҥ көрдөрүүлээхтэр.

Бу үлэ сороҕо Уһук Илин куораттарын маастар-былааннарын олоххо киллэрии чэрчитинэн ыытыллар.

Сахалинскай уонна Магаданскай уобаластар, Камчатскай кыраай 2017 сылга диэри хаарбаҕынан биллэриллибит дьиэлэртэн дьону көһөрүүнү түмүктээтилэр уонна 2017 сыл тохсунньутун кэннэ биллэриллибит хаарбах дьиэлэртэн көһөрүүнү саҕалаатылар.

Ил Дархан, бырабыыталыстыба пресс-сулууспата.