«Хаардаах кыраай Кэрэчээнэтэ» куонкурус куорат кырачаан кыргыттарын түмтэ
30.01.2023, 18:57
Бөлөххө киир:
Бу күннэргэ Ю.А. Гагарин аатынан култуура уонна аныгы ускуустуба киинигэр сыл аайы ыытыллар 4 саастарыттан 14-гэр диэри ыытыллар «Хаардаах кыраай Кэрэчээнэтэ» куонкурус буолан ааста.
Бэйэни билиһиннэрии, айар талааны арыйыы, кыһыҥҥы остуоруйа көстүүмнэрин көрдөрүү түһүмэхтэргэ кырачаан уонна обургу кыргыттар төрөппүттэрин кытта киһи кэрэхсиир куонкурустарыгар кытыннылар.
Кэрэчээнэлэр ордук Хаарчаана көстүүмүн талан, хаардаах кыраайга олороллорун туоһулаатылар.
Дьүүллүүр сүбэ: Пелагея Левина — СӨ култууратын туйгуна, Дьокуускай куорат култуураҕа уонна духуобунай сайдыыга управлениетын кылаабынай исписэлииһэ, Валентина Безрукова – «Dream models» муода устуудьуйатын төрүттээччитэ уонна салайаччыта, Тамара Савочкина – култуура үтүөлээх үлэһитэ, «Тетрис» аныгы үҥкүү ансаабылын төрүттээччитэ уонна уус-уран салайааччыта кыргыттар талааннарын, кыахтарын сыаналаатылар.
29 кыттааччыттан «Хаардаах кыраай Кэрэчээнэтэ» куонкурус кыайыылаахтарынан: 4 сааһыттан 6-гар диэри – «Теремок»оҕо саадын иитиллээччитэ, 6 саастаах Дайаана Бочкарева, 7-тэн 10 сааһыгар диэри орто саастаахтарга – 6 №-дээх орто оскуола үөрэнээччитэ, 8 саастаах Инесса Гаврильева, обургу саастаах кыргыттарга (11-14 саастаахтар) – Анжелика Пак, 14 саастаах Дьокуускай куораттааҕы классическай гимназия үөрэнээччитэ буоллулар. «Көрөөччү биһирэбилэ» номинацияҕа 14 саастаах 24 №-дээх оскуола үөрэнээччитэ, 12 саастаах Софья Захарова бэлиэтэннэ.
Кырачаан кыргыттары чугас аймахтара, биир дойдулаахтар түмсүүлэриттэн кэлэн өйөөтүлэр.
Куонкурус кыттааччыларын ыйы быһа Ю.А. Гагарин аатынан култуура уонна аныгы ускуустуба киинин педагогтара, хореограф
Евгения Тимкина уонна балетмейстер, СӨ култууруатын туйгуна Николай Свешников бэлэмнээтилэр.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: