ХААРТЫСКА: 1183 грамм ыйааһыннаах хортуоппуй рекорду олохтоото…

Өлүөхүмэ оройуонугар «Хортуоппуй буума» күрэх түмүгүн таһаардылар диэн «Өлүөхүмэ» хаһыат ТГ-ханаала иһитиннэрэр.

1-кы Нөрүктээйи нэһилиэгиттэн Анатолий Филиппов 1183 грамм ыйааһыннаах хортуоппуйу көрүүгэ туруорбута, муҥутуур рекорду олохтоото. Ону таһынан хортуоппуйтан оҥоһуллубут бастыҥ астар уонна уратытык киэргэтиллибит оҕуруот астара талылыннылар. Тэрийээччилэр «Өлүөхүмэ хортуоппуйугар бастыҥ пааматынньык эскииһэ» анал аакка үлэ киирбэтэҕин бэлиэтээтилэр, ол эрээри бу тиэмэ кыттааччылар ортолоругар сэҥээриини тардыбыта бэлиэтэннэ.