ХААРТЫСКА: Бизон оҕотугар аатта тал

Айылҕа харыстабылын уонна айылҕа пааркаларын ураты харыстанар биологическай ресурсаларын дирекцията саҥа күн сирин көрбүт бизон оҕотугар ааты талыыны биллэрдэ.

«Күндү доҕоттор. Ыстаадаҕа саамай улахан бизон оҕотугар аатта таларга этии көтөҕөбүт. Этиилэргитин бэс ыйын 5 күнүгэр диэри «Заповедная Якутия» ТГ-ханаалга кэмэнтээрийгэ суруйан хаалларыҥ. Оттон биһиги саамай бастыҥ ааты талыахпыт», — диэн дирекция пресс-сулууспата иһитиннэрэр.

Бу күннэргэ заповедникка бизоннар 8 доруобай ньирэй бизон оҕоломмуттар. Билигин бизон оҕолоро өссө кытархай өҥнөөхтөр эрээри, сыыйа хараҥа дьүһүннэниэхтэрэ. Бизон оҕолоро тулалыыр эйгэҕэ үөрэнэн, күүстэрин түмэллэр. Оттон питомник үлэһиттэрэ кинилэргэ уонна ийэлэригэр табыгастаах усулуобуйаны тэрийэргэ болҕомтолорун уураллар. Ону таһынан сотору кэминэн өссө эбиллии күүтүллэр, диэн дирекция суруйар.